Nehemia 3:15 - MUKANDA USANDU WA ZAMBI 1975

¹⁵ Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Mukanda Wa Zambi 1970

¹⁵ Shalume mwana wa Kolhoze, mukwa kuyula chifuchi cha Mizpa, yatungulula chikolo cha Shima, yasako yajilo, ni yikungo ya kukashila yajilo. Ku chitende cha Shela yatungulula Chipinji cha chipanga chize ku munda wa mwanangana ndoo ku unyinyino uze watala ku Limbo lia David.

Nehemia 3:15 Iomraidhean Croise

2 Samuel 5:9

David watwamine mu chihunda chize cha kukolesa. Yachiluka ngwenyi, Limbo lia David. David yatungisa limbo chize ku Milo kweswe kwa kujingilika, ni muchima.

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

2 Sango Ja Mianangana 32:30

Mwe Hezekia yono nawa washichile fuji lia ku tunda lia meya a Ngehone, yaaneha pundu ku chihunda cha David ha sali lia ku Chitokelo. Mba Hezekia wawahile mu yitanga yenyi yeswe.

Nehemia 12:37

Yaya ndo ku chikolo cha fuji lia meya ndusu kulutwe yakanduka ku ukandukilo wa chihunda cha David, ku kukanduka cha chipanga helu lia zuwo lia David ndo ku chikolo cha meya kwatalikisa ku Chivumbuko.

Nehemia 2:14

Mba yinguhiana ndo ku chikolo cha fuji lia meya ni ku Chitende cha mwanangana; alioze chimuna yoze nanyinyine kawanyine kuze mapalikila.

Nehemia 2:17

Henaho nambile kuli ayo ngwami, Nunamono chipi chize twatwama nacho, chize Yerusaleme hiyinapuzuka, ni yajilo yako hiyinaweme ni kahia. Tuyenu tutunge chipanga-cha-mawe cha Yerusaleme, kanda tupwa nawa ngwe twasauka.

Nehemia 3:12

Yahatako ha kululika Shalume mwana Halohesha mukwa kuyula chihanda cha ha muchima cha chifuchi cha Yerusaleme, iye te ni anenyi a mapwo.

Nehemia 3:14

Chikolo cha pinga yachilulika kuli Malekia mwana Rekabe, mukwa kuyula chifuchi cha Mbete-hakereme. Yachitunga ni kumika mapito jako, ni yikungo yako, ni njalo jako.

Nehemia 3:19

Yahatako ku milimo Ezere mwana Yeshua, mukwa kuyula Mizepa. Yalinga chihanda chikwo hatalanganyi ni jila ya kukanduka ku zuwo lia yikungo ha chihata cha yipanga-ya-mawe.

Nehemia 3:7

Yahatako ha kululika Melatia Ka-Ngibeone ni Jadone Ka-Merono, malunga a ku Ngibeone ni a ku Mizepa, a ku chiyulo cha nguvulu sali lize lia Lwiji.

Nehemia 3:9

Yahatako ku milimo Refaia mwana Hure mukwa kuyula chihanda cha ha muchima cha chifuchi cha Yerusaleme.

Longeshi 2:6

Nalingile yitende ya meya ngukahinjile usaki kuze alimine mitondo ni meya jamo;

Izaya 8:6

Mumu wano atu hanalituna meya a Shiloa aze akwenda ni vumbi, kakusangunuka ni woma kumeso ja Rezine ni mwana Remalia;

Jeremia 40:6

Henaho Jeremia yaya kuli Gedalia mwana Ahikame ku Mizepa; yatwama hamwe nenyi hakachi ka atu aze asalile mu chifuchi.

Luka 13:4

Hanji waze kumi ni nake, hali ayo kaposhi ka Selome wapuzukile nikwashiha, nunashinginyeka ngwe o apwile yitanguke ahiana atu eswe akutwama mu Yerusaleme, nyi?

Yoano 9:7

Wambile kuli iye ngwenyi, Yako, usane mu Chitende cha Sailome, (linalumbunuka ngwo, Kanatumiwa). Wayile kashika, yasana, yahiluka nikumona.

Akwa Kuyula 20:1

Henaho A-Izalele eswe atuhukile, chize ku Ndane ndo ku Mbia-shipa hamwe ni chifuchi cha Ngiliate. Chikungulwila chakungulukile ngwe mutu limuwika kuli Yehova ku Mizepa.

Akwa Kuyula 20:3

(Achi A-Mbenjamine hanevu ngwo, A-Izalele haswila ku Mizepa.) Mba A-Izalele ambile ngwo, Nutwambulwile kama, ungulungulu uno kuchi wapwile.