Nehemia 2:8 - MUKANDA USANDU WA ZAMBI 1975

⁸ ni mukanda kuli Asafwe, kalayi ka usaki wa mwanangana, akangwehe mitondo ya manguji ni mikambo ya yajilo ya mbonge yize yatwala ku zuwo, ni ya chipanga-cha-mawe cha chihunda, ni ya zuwo lize mungutwama yami. Mba mwanangana yangutayiza nikulita ni kwoko lipema lia Zambi yami hali yami.

Mukanda Wa Zambi 1970

⁸ Yingumuhula nawa mukanda wa kuhana kuli Asafe, kafunga ka usaki wa wanangana, hanga angwehe mitondo mumu ha yajilo ya chipanga cha zuwo lia Zambi, ni chipanga cha limbo, ni zuwo lize te mungutwama. Mwanangana yangwaha yeswe yize namwichile, mumu Zambi wabwile hamwe ni yami.

Nehemia 2:8 Iomraidhean Croise

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Ezra 5:5

Alioze liso lia Zambi lio liatalile makulwana ja A-Yunda. Kaamanyishine ndo chikuma chino muchiheta kuli Dariu akahilwise mukanda wa kukumbululacho.

Ezra 6:22

Yafunga nawa chiwanyino cha mbolo kuyishi futunwiso matangwa shimbiali ni uwahililo. Mumu Yehova hanaahe uwahililo; hatewulwila mbunge ya mwanangana wa Asuria kuli ayo akatakamise moko jo mu milimo ya zuwo lia Zambi, mwe Zambi ya Izalele.

Ezra 6:8

Chikwo nawa shimbi ngunase ha kutwala ku chize munulinga kukwasa wano makulwana ja A-Yunda ha kutunga zuwo alio lia Zambi. Ku upite wa mwanangana, ngwami, ku milambu ya lize sali lia Lwiji nukahane kuli wano malunga, ni kuhona ka, hanga kechi kakwikiwa.

Ezra 7:6

yono Ezera yakatuka ku Babilonia, mukwa kusonyeka wa kujama mu milimo ya shimbi ja Mose jize Yehova Zambi ya Izalele wahanyine. Mwanangana yamwaha yeswe echile nikulita ni kwoko lia Yehova Zambi yenyi hali iye.

Ezra 7:9

Mumu ha tangwa litangu lia kakweji mutangu yakatuka ku Babilonia, mba ha tangwa litangu lia kakweji wamuchitano yaheta ku Yerusaleme nikulita ni kwoko lipema lia Zambi yenyi hali iye.

Nehemia 7:2

mba yingusela kuyula Yerusaleme mukwetu Hanani hamwe ni Hanania, nguvulu ya mbonge; mumu iye mutu wamwenemwene, wevwilile woma Zambi kuhiana akwo anji.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Longeshi 2:5

nalilulikilile mande ja yitemo, ni mande ja kwendelamo. Natumbilemo mitondo ya mihuko yeka ni yeka.

Longeshi 2:6

Nalingile yitende ya meya ngukahinjile usaki kuze alimine mitondo ni meya jamo;

Izaya 66:14

Munukamona mba mbunge jenu mujikawaha; yifwaha yenu muyikawaha ngwe mwambu. Muchikafumana ngwo, Kwoko lia Yehova lili hamwe ni tuvumbi twenyi; utenu wenyi unalimika ni akwa kole jenyi.

Daniel 1:9

Zambi yanyongesa unuku wa lutwe vumbi ni keke ha kutwala kuli Daniel.

Yilinga 26:22

Se Zambi wangukwasa, hingunamana nikujikiza ndo ku tangwa lino, nikushindakenya kuli akepe ni anene, nikwamba nichimwe chuma chikwo shina yuma yize ambile aprofeta ni Mose ngwo, Kumuyiza;

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.

2 Korintu 8:16

Alioze tusakwilenu kuli Zambi yoze wasele mu mbunge ya Titu kulipupwisa chimuwika hali yenu.