Nehemia 2:6 - MUKANDA USANDU WA ZAMBI 1975

⁶ Mwanangana yamba kuli yami (mwazovu te kanatwama hamuwika) ngwenyi, Wenyi we wa tukweji angahi? Mwiji muka muhiluka? Chocho chapemena mwanangana kungutuma, mba namushikile haze munguhiluka.

Mukanda Wa Zambi 1970

⁶ Mwe mwanangana te kanatwama ni mwazovu wenyi, yatayiza liji liami. Mwanangana yanguhula ngwenyi: “Tangwa lika muuya, muukatwama ko matangwa angahi?” Yingumulweza.

Nehemia 2:6 Iomraidhean Croise

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Nehemia 13:6

Shimbu lino lieswe yami te chapwile ku Yerusaleme, mumu ha mwaka makumi atatu ni wamuchiali wa Artasherke nayile ku Babilonia kuli mwanangana. Mba kulutwe lia matangwa nechile kuli mwanangana;

Nehemia 2:4

Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Nehemia 2:5

Yingwamba kuli mwanangana ngwami, Nyi chinanupemena mwanangana, ni yami kavumbi kenu hinawana vumbi kumeso jenu, ngunazange nungutume ku Yunda, ku chihunda cha mafuka ja tulamba twami, ngukachitunge.

Nehemia 5:14

Chuma chikwo nawa, chize ku tangwa lize angutongwele kupwa mukwa kwayula mu chifuchi cha Yunda, chize ku mwaka makumi aali wa Artasherke ndo ku mwaka wenyi makumi atatu ni wamuchiali (ngwami, kumi lia miaka ni miaka yiali), chipwe yami, chipwe usoko wami kutwahle mbolo ya nguvulu.

Izaya 58:12

Mazuwo jenu aze apuzukile a ku shakulu makaatunga nawa, munukatungisa nawa fundamentu ja yisemuko yinji. Kumakanutongola ngwo, Akwa kutungisa yipanga yapulika, kanda akwa kutungisa nawa matapalo a kutwama atu.

Izaya 61:4

Makatunga nawa mazuwo a shakulu waze hanapuzuka, makatunga nawa yuma ya kushi yize hanonwona. Makalulika yihunda yize hiyinalumbuka, yuma ya kwonwona ku yisemuko yinji.

Izaya 65:24

Mungukumbulula shimbu kanda achitambika; shimbu machihanjika mungwivwa.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.