Nehemia 2:4 - MUKANDA USANDU WA ZAMBI 1975

⁴ Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Mukanda Wa Zambi 1970

⁴ Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Nehemia 2:4 Iomraidhean Croise

2 Samuel 15:31

Umwe yalweza David ngwenyi, Ahitofele hanalifutula ni waze akwa punga ya Absalome. David yamba ngwenyi, Yehova, ngukulembe, alumuna mana a Ahitofele akapwe uhepuke.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Nehemia 2:5

Yingwamba kuli mwanangana ngwami, Nyi chinanupemena mwanangana, ni yami kavumbi kenu hinawana vumbi kumeso jenu, ngunazange nungutume ku Yunda, ku chihunda cha mafuka ja tulamba twami, ngukachitunge.

Estere 5:3

Mwanangana yamba kuli iye ngwenyi, Yika unafupu mwazovu Estere? Chize unechi chika? Mungukwahacho ndo ku chihanda cha ha muchima cha wanangana.

Estere 5:6

Mwanangana yamba kuli Estere ku chiteleka cha vinyu ngwenyi, Chize unazange chika? Mungukwahacho. Chize unechi chika? Ndo ku chihanda cha ha muchima cha wanangana munguchilinga.

Estere 7:2

Mba mwanangana yamba cheka nawa kuli Estere ha tangwa liamuchiali lia chiteleka cha vinyu ngwenyi, Mwazovu Estere, chize unazange chika? Mungukwahacho. Chize unechi chika? Mungukulingilacho ndo ku chihanda cha ha muchima cha wanangana.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Yishima 3:6

Ukamutayize mu yilinga ye yeswe mba iye makalulamisa majila je.

Marku 10:51

Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso.

Yilinga 23:19

Manjolo wamukwachile ku kwoko, amutwale ku tenga ukawo, wamuhulile ngwenyi, Chika uli nacho kungwambulwila?

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.