Nehemia 2:3 - MUKANDA USANDU WA ZAMBI 1975

³ Yingwamba kuli mwanangana ngwami, Vulie, mwanangana. Te chichi kupwa ni chinyengo ku meso, shimbu chihunda kuze kwatwama mafuka ja tulamba twami chapwa cha hululu, ni yajilo yako hiyinaweme ni kahia?

Mukanda Wa Zambi 1970

³ Yingukumbulula ngwami: “Vuliemwanangana! Ngwe kuchi chichi kwivwa chinyengo nyi limbo liami, kuze afunjile tushakulu twami, haalibuzula ni ye yajilo yalio haayocha yeswe upu?”

Nehemia 2:3 Iomraidhean Croise

1 Yitanga Ya Mianangana 1:31

Bate-Shipa yalihetamina ni meso jenyi hashi nikuwayila mwanangana ngwenyi, Vulie! mwene wami mwanangana David.

1 MIANANGANA 25:8

Ha kakweji wamuchitano ha tangwa liamuchishimbiali lia kakweji (mwaka kumi ni wamuchilivwa wa Nabukanezore mwanangana wa Babilonia) kwejile Nabuzaradane kapitau ka tulayi, kavumbi ka mwanangana wa Babilonia ku Yerusaleme.

2 Sango Ja Mianangana 21:20

Ha kuputuka kuyula wapwile ni makumi atatu a miaka ni miaka yiali. Wayulile miaka nake mu Yerusaleme, mba ha kufwa niumwe wamuvwilile usona wakuhi. Yamufunda mu chihunda cha David, alioze hi ku mafuka a mianangana ko.

2 Sango Ja Mianangana 28:27

Mba Ahaze yaya tulo, yaya kuli tulamba twenyi, yamufunda mu chihunda mwe mu Yerusaleme. Kamunehene ku mafuka ja mianangana ja Izalele. Mwanenyi Hezekia yamuswana mu wanangana.

2 Sango Ja Mianangana 32:33

Mba Hezekia yaya tulo, yaya kuli tulamba twenyi. Yamufunda mu ukandukilo wa mafuka ja ana ja David. A-Yunda eswe ni A-Yerusaleme eswe yamulemesa ha kufwa chenyi, ni mwanenyi Manase yamuswana mu wanangana.

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Nehemia 2:13

Yingutuhuka ha ufuku ku chikolo cha chikulo kutalikisa ku shima lia mikuza, ni ku chikolo cha pinga, nikutala yipanga-ya-mawe ya Yerusaleme, hiyinapuzuka ni yajilo yayo hiyinaweme ni kahia.

Estere 8:6

mumu kuchi munguhasa kumona chipi chino muchiza hali atu jami? Kuchi munguhasa kumona kunonga cha chisemuko chami?

Miaso (Masamu) 102:14

Mumu tuvumbi twe kanawahilila mu mawe jenyi. Chipwe fufuta yenyi kakuyivwila vumbi.

Miaso (Masamu) 102:15

Chocho mavungu mavwila woma jina lia Yehova, ni mianangana eswe a hashi mavwila woma ulemu we.

Miaso (Masamu) 137:6

Limi liami likalamate mu kanwa liami nyi kachi chakwiwulukile, kachi chazangile Yerusaleme kuhiana uwahililo wami uze unene.

Miaso (Masamu) 38:7

Mumu miongo yami ya tò ni kusasaminya. Ungunu wakuhi mu musunya wami.

Jeremia 52:12

Ha kakweji wamuchitano ha tangwa liamuchikumi lia kakweji—we mwaka kumi ni wamuchilivwa wa mwanangana Nabukanezore mwanangana wa Babilonia—kwejile Nabuzaradane, kapitau ka tulayi, kanda kavumbi ka mwanangana wa Babilonia ku Yerusaleme.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Daniel 2:4

A-Kaletea yamba kuli mwanangana mu limi lia A-Seria ngwo, Vulie, mwanangana. Nulweze chilota chenu kuli yetu tuvumbi twenu mba mutuchilumbununa.

Daniel 3:9

Yamba kuli mwanangana Nabukanezore ngwo, Vulie, mwanangana.

Daniel 5:10

Mwe mwazovu wejile ku zuwo lia muzumbu mumu ha maliji a mwanangana ni alemu jenyi. Mwazovu yamba ngwenyi, Vulie mwanangana! Manyonga je kanda akuvwisa woma. Kanda walumuka ku meso chocho.

Daniel 6:21

Daniel yamba kuli mwanangana ngwenyi, Vulie mwanangana.

Daniel 6:6

Kashika akwa lutwe ni yilolo yalitesa, yeza kuli mwanangana ngwo, Vulie mwanangana Dariu.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.