Nehemia 2:20 - MUKANDA USANDU WA ZAMBI 1975

²⁰ Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Mukanda Wa Zambi 1970

²⁰ Yingukumbulula ngwami: “Zambi wa Mwilu kumatuwahisa. Tuli tuvumbi twenyi, kumutubutula kutungulula. Alioze yenu kunushi chihinga hanji chiyulo nichimwe mu Yerusaleme.”

Nehemia 2:20 Iomraidhean Croise

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Ezra 4:3

Alioze Zorobabele ni Yeshua ni akwo akwa lutwe mu minyachi ya atato mu Izalele yamba kuli ayo ngwo, Enu kunushi nichimwe ni yetu kutungila zuwo Zambi yetu. Yetwene ukawetu mututungila Yehova Zambi ya Izalele ngwe Siru mwanangana wa Persia hatutuma.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Nehemia 2:4

Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Estere 4:11

Tuvumbi eswe a mwanangana ni atu a mu yifuchi ya mwanangana kananyingika ngwo, Mweswe manjila kuli mwanangana mu yize ya muchima kamusanyikine, shimbi yimuwika yiliko hali iye, apwe lunga apwe pwo, mamushiha; ndo yoze wika mwanangana mamwolwela lukanda wenyi wa oru akatwame ni mwono. Alioze makumi atatu a matangwa hapalika kangusanyikine kunjila kuli mwanangana.

Miaso (Masamu) 102:17

Iye hanapanjika kulemba cha mukwa kuyindama; kalelesele kulemba cho.

Miaso (Masamu) 122:6

Lembelenu sambukila ya Yerusaleme. Waze anakuzange akawahe.

Miaso (Masamu) 20:5

Kumutukumba mu ulamwino we; mu jina lia Zambi yetu mutujika mbandeira jetu. Yehova akulinge cheswacho unamwichi.

Miaso (Masamu) 35:27

Waze akwivwa kuwaha ha ululi wami alikwize nikuwahilila. Ewa, akambe matangwa eswe ngwo, Yehova atohe, yoze wakuwahilila ha kuyuka cha kavumbi kenyi.

Miaso (Masamu) 51:18

Linga kanawa kuli Zaione nikulita ni upale we upema. Tunga yipanga ya Yerusaleme.

Kutuhuka 28:29

Arone akambate majina ja A-Izalele ku chipwiko cha upatwilo ha mbunge yenyi, muze manjila muma musandu, chikapwe Chiwulwiso kumeso ja Yehova matangwa eswe.

Longeshi 7:18

Chipema ukwate chino, alioze kanda wecha chize, mumu mukwa kuvwila woma Zambi matusuka ku yuma yino yeswe.

Izaya 56:5

mungwaaha mwe mu zuwo liami muchima lia yishimi yami, Chiwulwiso ni jina kuhiana ana a malunga ni a mapwo. Mungwaaha jina lia mutolo lize kulichi kajimuka.

Alevi 2:2

Akaunehe kuli asasendote, ana ja Arone. Akazomoneko kwoko lienyi lia wunga wafufunuka, ni chihanda cha maji, ni ye libano yeswe. Mwe sasendote akalumbe ha chilumbilo Chiwulwiso chayo chikapwe mulambu wa kahia, wa lupembo mupema kuli Yehova.

Alevi 24:7

Munukasa libano yipema ha mikala yeswe yiali, jikapwe mbolo ja Chiwulwiso, mulambu wa kahia kuli Yehova.

Zakaria 6:14

Yipangula yize muyipwa mu tembele ya Yehova, Chiwulwiso kuli Heldai, ni Tobija, ni Jedaia, ni Hene mwana Zefania.

Kwalula 10:10

Chizechene nawa ha tangwa lia chiseke chenu, ni ha yiwanyino yenu ya kutongola, ni ha uputukilo wa tukweji twenu, yitavwi nukayimbile helu lia milambu yenu ya kulumba ni helu lia yitapo ya milambu yenu ya sambukila. Yikapwe Chiwulwiso kuli yenu kumeso ja Zambi yenu. Yami Yehova Zambi yenu.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Yilinga 8:21

Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.