Nehemia 2:19 - MUKANDA USANDU WA ZAMBI 1975

¹⁹ Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Mukanda Wa Zambi 1970

¹⁹ Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

Nehemia 2:19 Iomraidhean Croise

Nehemia 13:28

Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Nehemia 2:10

Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 4:1

Muze Sambalate wevwile ngwo, Kanafungu chipanga-cha-mawe, yatenuka chikolo ni ufwatulo wunji. Yalenya A-Yunda.

Nehemia 6:6

mwenamo mwasonewa ngwo, Kanachambe hakachi ka mavungu, ni Geshemu kanachambe nawa ngwo, Yena ni A-Yunda nunambe kuvunduka; kashika nunatungu chipanga-cha-mawe. Ni maliji jo nawa ngwo, Yena muopwa mwanangana wo.

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Jobe 30:1

Alioze haliapwila kakuheha ni yami, twanuke twami—atato te chishi kuzanga kwasela hamwe ni tuwa akafunge yimuna jami.

Miaso (Masamu) 123:4

Mbunge jetu jazala tò ni lenyo lia waze anatwama kanawa, ni kusaula cha akwa kulengumuka.

Miaso (Masamu) 79:4

Hitunasauka hakachi ka waze twatunga no. Hanatulenye nikutuchimbunguna kuli waze anatujingilika.

Miaso (Masamu) 80:6

Hiunatutenge ngwe Chizungozungo hakachi ka waze twatunga no. Akwa kole jetu kanasehe hakachi ko.

Miaso (Masamu) 80:7

Ututewulule nawa, Zambi-wa-Tujita. Pangulwisa kama meso je mba mutupulluka.

Izaya 36:5

Unamono ngwe maliji amokomoko mapwa malinjekela ni tachi ja jita? Iya unajikijila ukangukatukile yami?

Jeremia 20:8

Mumu cheswe munguhanjika nakuteta kwilu. Nakutambika ngwami, Upupilo ni kwonwona! Mumu liji lia Yehova hilialumuka kuli yami luchoko ni sau tangwa lieswe nganganga.

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Mateu 9:24

wambile ngwenyi, Lisekulenu, mumu mwana-pwo kafwileko, mu tulo ali. Alioze amusehele.

Marku 5:40

O amusehele, alioze muze te haatuhwisa eswe, yatwala hamwe nenyi tato ni naye ya mwana-pwo, ni waze apwile hamwe nenyi, yanjila muze apwile mwe mwana-pwo.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yoano 19:12

Ha kwivwa chocho Pilatu wafupile kumutusula, alioze A-Yunda akololokele ngwo, Kachi mutusula yono, kachi hi uli kasendo ka Sesare ko. Mweswawo malipwisa mwanangana, mahanjika cha kulimika ni Sesare.

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Hebreu 11:36

Akwo aesekele ni kwakekuna ni kwalamba ni shikote, ewa, ndo ku malenge ni mazuwo ja ususu;