Nehemia 2:10 - MUKANDA USANDU WA ZAMBI 1975

¹⁰ Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Mukanda Wa Zambi 1970

¹⁰ Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

Nehemia 2:10 Iomraidhean Croise

Nehemia 13:1

Ha tangwa lize yatanga mu mukanda wa Mose kumeso ja atu eswe, yawanamo kuze asonekene ngwo, Ka-Amone hanji Ka-Moape kechi kanjila mu chikungulwila cha Zambi ndo ku miaka ya mutolo;

Nehemia 13:28

Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Nehemia 13:4

Shimbu-kanda te, mwe sasendote Eliashipe, yoze amusele kuyula helu lia yipatulo ya zuwo lia Zambi yetu, walifutwile ni Tobia.

Nehemia 2:19

Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Nehemia 4:7

Muze Sambalate, ni Tobia, ni A-Arabia, ni A-Amone, ni A-Ashedode hevwa ngwo, Milimo ya kululika yipanga-ya-mawe ya Yerusaleme yinayi kulutwe, ni yituwa kanaputuka kuyijika, yatenuka chikolo.

Nehemia 6:1

Muze hatwala liji kuli Sambalate ni Tobia, ni kuli Ka-Arabia Ngesheme, ni kuli akwa kole jetu akwo chize yami hinatunga chipanga-cha-mawe, nichimwe chituwa kuchasalileho (hindu ndo tangwa lize kanda nguchimika mapito mu yikolo),

Nehemia 6:16

Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Estere 10:3

Mumu mwe Ka-Yunda Mordekai wali hachile kuli mwanangana Ahashueru ni chiyulo, munene hakachi ka A-Yunda. Amutayijile hakachi ka usoko wenyi ha kufupa kuwahisa atu jenyi ni kuhanjika sambukila ku munyachi wenyi weswe.

Miaso (Masamu) 112:10

Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.

Yishima 27:4

Ufwatulo uswi ukwete; utenu kuwakuhungumuna, alioze iya mahasa kulikoleza ni ukwa?

Yishima 30:22

ngwami, Ndungo muze hapwa mwanangana; ni chihepuke muze hakuta;

Longeshi 10:7

Hinamona tupinji mendela hali tuvwalu shimbu mianangana menda hashi ngwe tupinji.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Jeremia 48:34

Heshebone ni Eleale kanatete; ndo ku Yahaze anatete ni liji lio; chize ku Zoare ndo ku Horonaime ni Eglata-Shelishia. Mumu ku meya ja Nimerime kunalumuka kwa hululu.

Jeremia 48:5

Mumu ku ukandukilo wa Luhite kanakanduka nikulila, ni ku upalumukino wa Horonaime hanevu muteto wa kunongesa.

Yilinga 4:2

nikupihilila chikolo mumu te alongesele atu, ambujolele muli Yesu Uhindukilo hakachi ka afu.

Yilinga 5:24

Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa.