Nehemia 2:1 - MUKANDA USANDU WA ZAMBI 1975

¹ Ha kakweji wa Nisane ha mwaka makumi aali wa mwanangana Artasherke, shimbu kwapwile vinyu kumeso jenyi, yingwanda vinyu, yinguhana kuli mwanangana. Ndo tangwa lize te kanda ngusoloka ni chinyengo kumeso jenyi.

Mukanda Wa Zambi 1970

¹ Ha kakweji wa Nisane ha mwaka wa makumi aali wa kuyula cha mwanangana Artasherke, ha shimbu lize te akunwa vinyu, yami yingumutwalila lio. Nilimwe tangwa te kanda nguchisoloka kama ni chinyengo ku meso jenyi.

Nehemia 2:1 Iomraidhean Croise

Ubutukilo 40:11

Musenge wa Falau wapwanga mu kwoko liami kashika nahelanga uva, nayikamanga mu musenge wa Falau, nahananga musenge kuli Falau.

Ubutukilo 40:21

Kapatashi ka akwa misenge yamwaha nawa milimo yenyi ya misenge, akahane musenge mu kwoko lia Falau.

Ezra 4:7

Ha matangwa a Artasherke kwasonekene Bishalame, ni Miteredate, ni Tabiele, ni akwo masepa jo kuli Artasherke mwanangana wa Persia. Maletra apwile a limi lia Seria, ni maliji nawa mu limi lia Seria.

Ezra 7:1

Kulutwe lia yino yuma shimbu Artasherke mwanangana wa Persia machiyula, Ezera mwana Seraia, mwana Azaria, mwana Hilekia,

Ezra 7:7

Kwayile ku Yerusaleme nawa amwe A-Izalele, ni asasendote, ni A-Levi, ni njimba, ni akwa mapito, ni A-Netinime ha mwaka wamuchishimbiali wa mwanangana Artasherke.

Nehemia 1:1

Maliji a Nehemia mwana Hakalia. Chapwile ha kakweji wa Chisleve ha mwaka makumi aali, napwile mu zuwo lia mwanangana ku Shushane,

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Estere 3:7

Ha kakweji mutangu, (Nisane) ha mwaka kumi ni wamuchiali wa mwanangana Ahashueru, apwile ni kutaha ngombo ya Puru kumeso ja Hamane tangwa ha tangwa, kakweji ha kakweji, ndo ha kakweji kumi ni wamuchiali (Adare).

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.