Nehemia 13:6 - MUKANDA USANDU WA ZAMBI 1975

⁶ Shimbu lino lieswe yami te chapwile ku Yerusaleme, mumu ha mwaka makumi atatu ni wamuchiali wa Artasherke nayile ku Babilonia kuli mwanangana. Mba kulutwe lia matangwa nechile kuli mwanangana;

Mukanda Wa Zambi 1970

⁶ Muze alingile yino yeswe, yami te chishimo mu Yerusaleme, mumu, ha mwaka wa makumi atatu ni yaali wa kuyula cha Artasherke, mwanangana wa Babilone, te hinaya ni kumutwalila sango. Muze matangwa haabalika mwanangana yangutayiza

Nehemia 13:6 Iomraidhean Croise

Ezra 6:22

Yafunga nawa chiwanyino cha mbolo kuyishi futunwiso matangwa shimbiali ni uwahililo. Mumu Yehova hanaahe uwahililo; hatewulwila mbunge ya mwanangana wa Asuria kuli ayo akatakamise moko jo mu milimo ya zuwo lia Zambi, mwe Zambi ya Izalele.

Nehemia 2:1

Ha kakweji wa Nisane ha mwaka makumi aali wa mwanangana Artasherke, shimbu kwapwile vinyu kumeso jenyi, yingwanda vinyu, yinguhana kuli mwanangana. Ndo tangwa lize te kanda ngusoloka ni chinyengo kumeso jenyi.

Nehemia 5:14

Chuma chikwo nawa, chize ku tangwa lize angutongwele kupwa mukwa kwayula mu chifuchi cha Yunda, chize ku mwaka makumi aali wa Artasherke ndo ku mwaka wenyi makumi atatu ni wamuchiali (ngwami, kumi lia miaka ni miaka yiali), chipwe yami, chipwe usoko wami kutwahle mbolo ya nguvulu.

Kutuhuka 32:1

Muze atu amwene ngwo, Mose kapalumukine nikawashi ha mulundu, e atu yakungulula hamuwika kuli Arone, yamba kuli iye ngwo, Katuka, utulingile tuzambi tuze mutututetekela, mumu yono Mose, mwe mutu watuchijile ku Engitu, Kutwanyingikine chize chinamuwane.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.