Nehemia 13:4 - MUKANDA USANDU WA ZAMBI 1975

⁴ Shimbu-kanda te, mwe sasendote Eliashipe, yoze amusele kuyula helu lia yipatulo ya zuwo lia Zambi yetu, walifutwile ni Tobia.

Mukanda Wa Zambi 1970

⁴ Hako Eliashibe, yoze te wakuyula atu waze akusa yuma mu yibatulo ya mu zuwo lia Zambi, wabwile sepa lia Tobia.

Nehemia 13:4 Iomraidhean Croise

Nehemia 12:10

Yeshua yasema Joiakime; Joiakime yasema Eliashipe; Eliashipe yasema Joiada;

Nehemia 12:44

Ha tangwa lize yatongola malunga kuyula mazuwo a upite; ha milambu ya kuzundula, ni mbuto yitangu, ni yihanda ya kumi kuyikunga nikulita ni minda ya yihunda, yihanda yize ayifunjikile mu shimbi hali asasendote ni A-Levi; mumu A-Yunda awahilile hali asasendote ni A-Levi akwa uvumbiko.

Nehemia 13:28

Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Nehemia 2:10

Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 3:1

Henaho sasendote mukwa lutwe Eliashipe yakatuka ni asasendote ni akwo; yatunga chikolo cha mapanga. Yachisela ku usandu; yamika mapito; ndo lume ku kaposhi ka Hamea yachisela ku usando ndo ku kaposhi ka Hanande.

Nehemia 6:1

Muze hatwala liji kuli Sambalate ni Tobia, ni kuli Ka-Arabia Ngesheme, ni kuli akwa kole jetu akwo chize yami hinatunga chipanga-cha-mawe, nichimwe chituwa kuchasalileho (hindu ndo tangwa lize kanda nguchimika mapito mu yikolo),