Nehemia 13:28 - MUKANDA USANDU WA ZAMBI 1975

²⁸ Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Mukanda Wa Zambi 1970

²⁸ Umwe mwana wa Joyada, mujikulu wa Eliashibe, mwata wa mahako, yambata mwana wa Sambalate wa ku limbo lia Bete Horone, yingumuhanga liakulu.

Nehemia 13:28 Iomraidhean Croise

Ezra 10:8

Chikwo nawa ngwo, Mweswe kejile ha matangwa atatu, nikulita ni longeso lia alemu ni makulwana, yikumba yenyi yeswe mamutambulayo, ni mwene mamuteta ku chikungulwila cha akwa unjize.

Nehemia 12:10

Yeshua yasema Joiakime; Joiakime yasema Eliashipe; Eliashipe yasema Joiada;

Nehemia 12:22

Ha matangwa a Eliashipe, ni Joiada, ni Johanane, ni Jadua, A-Levi, aasonekene akwa lutwe mu minyachi ya atato. Ni asasendote chocho nawa ha miaka ya kuyula Ka-Persia Dariu.

Nehemia 13:25

Yingulitachika no, nikwashinga, nikulamba amwe, ni kusuta kambu jo, nikwashingisa ni Zambi ngwami, Kunuchi kuhana anenu a mapwo kuli anó a malunga, chipwe kumbata anó a mapwo hali anenu a malunga hanji hali yenwene.

Nehemia 2:10

Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 2:19

Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Nehemia 3:1

Henaho sasendote mukwa lutwe Eliashipe yakatuka ni asasendote ni akwo; yatunga chikolo cha mapanga. Yachisela ku usandu; yamika mapito; ndo lume ku kaposhi ka Hamea yachisela ku usando ndo ku kaposhi ka Hanande.

Nehemia 4:1

Muze Sambalate wevwile ngwo, Kanafungu chipanga-cha-mawe, yatenuka chikolo ni ufwatulo wunji. Yalenya A-Yunda.

Miaso (Masamu) 101:8

Tangwa ha tangwa ha chimenemene mungwonwona yingulungulu mu chifuchi, ngukatete akwa kulinga uhenge kwimbo lia Yehova.

Yishima 20:26

Mwanangana wa mana kakusakula yingulungulu, kakwapalikisa mutondo wa kweta.

Yishima 20:8

Mwanangana ha ngunja ya upatwilo kakuhuma yipi yeswe ni meso jenyi.