Nehemia 13:22 - MUKANDA USANDU WA ZAMBI 1975

²² Yingwamba A-Levi alipemese, eze afunge mapito akasele ku usandu Sambata. Zambi yami Wiwuluke chino chuma nawa kuli yami ukangufunge nikulita ni unene wa utu wa zango lie.

Mukanda Wa Zambi 1970

²² Mba yingwambila Alevi alibemese ha kufunga yikolo, hanga atu alemese tangwa lia kuhwima. Zambi yami, ha chikuma chino nawa, ungwiwuluke kama, nguvwile kama keke mumu ha zango lie linji.

Nehemia 13:22 Iomraidhean Croise

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

1 MIANANGANA 23:4

Mwanangana yatuma Hilekia sasendote mukwa lutwe, ni asasendote a ngango yamuchiali, ni akwa kufunga mapito, akachize mu tembele ya Yehova yikwachilo yeswe halingila Mbale ni Ashera ni mbunga yeswe ya mwilu. Yayocha haze lia Yerusaleme mu yambu ku Kendrone, mba yatwala uto wayo ku Mbetele.

2 Sango Ja Mianangana 29:24

Mba asasendote yaashiha, yapwisa manyinga jo mulambu ha shili ha chilumbilo akafuke A-Izalele eswe, mumu mwanangana yatuma ngwenyi, Mulambu wa kulumba ni mulambu ha shili yikapwe hali A-Izalele eswe.

2 Sango Ja Mianangana 29:27

Mba Hezekia yatuma atambule mulambu wa kulumba ha chilumbilo. Ha kuputuka mulambu wa kulumba mba mwaso wa Yehova yiuputuka nawa, ni yitavwi hamuwika ni yisaji ya David mwanangana wa Izalele nawa.

2 Sango Ja Mianangana 29:30

Chikwo nawa mwanangana Hezekia ni alemu yatuma A-Levi embile uhaliso Yehova ni maliji a David, ni a Asafwe mukwa kumona. Yemba uhaliso ni kulikwiza mba yahetamisa mitwe yo nikuwayila.

Nehemia 12:10

Yeshua yasema Joiakime; Joiakime yasema Eliashipe; Eliashipe yasema Joiada;

Nehemia 12:30

Asasendote ni A-Levi yalipemesa; yapemesa nawa e atu, ni mapito, ni chipanga-cha-mawe.

Nehemia 13:14

Zambi yami! Ungwiwuluke kama ha chuma chino; kanda ukajimuna yitanga yami yipema yize nalingila zuwo lia Zambi yami ni ha shimbi jalio jeswe.

Nehemia 13:31

ni ha mulambu wa kunyi ha matangwa jajo, ni ha mbuto yitangu. Zambi yami, ungwiwuluke kama, unguwahise.

Nehemia 5:19

Zambi yami, iwuluka kama hali yami yipema yeswe hinalingila atu ano.

Miaso (Masamu) 130:7

Enu A-Izalele, talatalenu Yehova, mumu kuli Yehova kwatwama utu wa zango. Kuli iye kwatwama ukule wa kulumbama.

Miaso (Masamu) 5:7

Alioze yami, mu kulumbama cha utu wa zango lie mungunjila mu zuwo lie, mba ni woma wa yena munguwayila nikutalikisa ku tembele ye yisandu.

Miaso (Masamu) 51:1

Zambi, nguvwile kama keke, nikulita ni utu wa zango lie. Jimuna kama milonga yami nikulita ni kulumbama cha vumbi lie.

Izaya 38:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Shimbi 5:12

Ufunge tangwa lia Sambata nulisele lisandu ngwe Yehova Zambi ye akwambile.