Nehemia 13:2 - MUKANDA USANDU WA ZAMBI 1975

² mumu kapatwijile A-Izalele ni kulia ni meya, ahoze afwetele Mbalau akaashinge. Alioze Zambi walumwine shingo mu chiwape.

Mukanda Wa Zambi 1970

² Chino chabwile mumu keejile ko ni kubatwiza Aisraele ni kwaha mbolo ni meya, alioze yaafweta Balame ashinge Aisraele. Alioze Zambi yetu yalumuna mashingo waze kubwa yiwape.

Nehemia 13:2 Iomraidhean Croise

Miaso (Masamu) 109:28

Ashinge, alioze yena wahisa. Muze makatuka, sonyi mevwa alioze kavumbi ke mawahilila.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Kwalula 23:18

Yata chishima chino ngwenyi, Mbalake, katuka, wivwe! Ena, mwana wa Zepore, upanjike kuli yami!

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Shimbi 23:3

Niumwe Ka-Amone, chipwe Ka-Moape, kanda akanjila mu chikungulwila cha Yehova, ndo ku chisemuko chamuchikumi niumwe wa kuli ayo kanda akanjila mu chikungulwila cha Yehova ku miaka ya mutolo.

Shimbi 23:4

Mumu te o kanunehenene kulia ni meya mu jila muze nwakatukile ku Engitu, nawa mumu te yafweta Mbalau, mwana Mbeore wa ku Petore, ya mu Mesopotamia, alimike ni yenu nikunushinga.

Shimbi 23:5

Hindu, Yehova Zambi yenu katayile kupanjika kuli Mbalau, alioze Yehova Zambi yenu yalumuna shingo likapwe chiwape cha yenu mumu te Yehova Zambi yenu kanuzanga.

2 Petulu 2:15

Se hanehuka jila ya kululama, hanapianguka, se hanakaula jila ya Mbalau, mwana Mbeore, yoze wazangile fweto ya uhenge.