Nehemia 13:19 - MUKANDA USANDU WA ZAMBI 1975

¹⁹ Muze kwatayile ku yikolo ya Yerusaleme ha kuheta ku Sambata yingwamba akájile mapito, yingwamba nawa kanda aazulula ndo Sambata hiyapalika. Nasele amwe ngamba jami kuyula yikolo hanga kanda apalikisamo nichimwe chiteli ha tangwa lia Sambata.

Mukanda Wa Zambi 1970

¹⁹ Kashika yinguhana Shimbi ya kukasa yajilo ya limbo ha kabutu ka lieswe tangwa lia kuhwima, ha kutoka cha tangwa, kuyazulula ka ndoo ku songo lia tangwa lia kuhwima. Mba yingusa amwe malunga ku yajilo, atale kanawa hanga atu kanda anjila ni yuma ha tangwa lia kuhwima.

Nehemia 13:19 Iomraidhean Croise

Nehemia 13:20

Chocho yitalika ni akwa kulanjisa yapomba haze lia Yerusaleme kashi kaali.

Nehemia 7:3

Nambile kuli ayo ngwami, Mapito a Yerusaleme kanda aazulula ndo tangwa hiliatwa mwalwa; shimbu tulayi aliko, ajile mapito nikwayika mbe ni njalo. Selenu tulayi a kuli A-Yerusaleme, mutu mweswe ni ulayi wenyi, mutu mweswe hatalanganyi ni zuwo lienyi mwene.

Alevi 23:22

Muze munukacha mbuto ya mu chifuchi chenu kanda nukacha mu minda yenu ndusu ndo ku njiza. Chikwo nawa kanda nukahuhujola yize yinasala ha kucha. Munuyihichika kuli yiswale ni njize. Yami Yehova Zambi yenu.

Alevi 23:32

Mulipwa kuli yenu Sambata yilemu ya kuhwima, mba munufwichisa mbunge jenu. Ha tangwa liamuchilivwa lia kakweji, putu ku chingoloshi ndo ku chingoloshi, munufunga Sambata yenu.

Yoano 5:10

Kashika A-Yunda ambile kuli yoze wahindukile ngwo, Musono lie tangwa lia Sambata; kuchalitele ni shimbi kumbata chalo che.