Nehemia 13:15 - MUKANDA USANDU WA ZAMBI 1975

¹⁵ Ha matangwa aze yingumona mu Yunda amwe akwa kuliachila uva ha tangwa lia Sambata, ni kucha yichita ya mbuto, nikuyitwika hali yimbulu, hamwe ni vinyu, ni uva, ni makuyu, ni yiteli yeka ni yeka, nikuyineha mu Yerusaleme ha tangwa lia Sambata. Yingwashindakenyacho ha tangwa lize alanjishile kulia.

Mukanda Wa Zambi 1970

¹⁵ Ha matangwa waze yingumona amwe Ayuda te kaanakame vinyu ha tangwa lia kuhwima, akwo te kaanakasakasa mbuto, ni vinyu, ni mihuko ya vinyu, ni ya mikuyu, ni yuma yikwo hali yimbulu ni kuyitwala ku Yerusaleme. Yingwakanyamisa ngwami, kanda alanjisa yuma yo ha tangwa lia kuhwima.

Nehemia 13:15 Iomraidhean Croise

2 Sango Ja Mianangana 24:19

Yehova yatuma aprofeta kuli ayo akaakoke kuli iye nikwashindakenya, alioze kapanjikile.

Nehemia 10:31

Nyi mavungu a chifuchi maneha yuma yo hanji kulia ha Sambata kulanda, kutuchi kulanda kuli ayo ha Sambata, hanji ha tangwa lisandu; kutuchi kulima mwaka wamuchishimbiali, kutuchi kufwetesa mukuli niumwe.

Nehemia 10:32

Chikwo nawa twaliselele shimbi tukafwete mwaka ha mwaka chihanda chimuwika ha yihanda yitatu ya shekele ha milimo ya zuwo lia Zambi yetu,

Nehemia 13:16

Kwapwileko nawa malunga a Teru, o apwile nikuneha yishi ni yuma yeswayo yakutalika, nikuyilanjisa ha Sambata kuli A-Yunda ni mu Yerusaleme.

Nehemia 13:21

Mba yingwashindakenya ngwami, Kuchi te nwakupomba kwa kujingilika chipanga-cha-mawe? Nyi munuchilinga nawa mungunulamba. Chize ku tangwa lize kejile nawa ha Sambata.

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Jobe 39:12

Unamufuliela te mahiluka nikukunehena mbuto ye ku chizungwilo?

Miaso (Masamu) 50:7

Ivwenu, atu jami, mba munguhanjika. Ivwenu A-Izalele mba mungushindakenya kuli yenu; yami nguli Zambi, mwe Zambi ye.

Kutuhuka 31:12

Yehova yamba kuli Mose ngwenyi,

Kutuhuka 31:16

Kashika A-Izalele akafunge ye Sambata, mukuyisela Sambata ndusu yisemuko yo, chikapwe usendo wa mutolo.

Kutuhuka 34:21

Ukalinge milimo matangwa asambano alioze ha tangwa liamuchishimbiali hikuhwima lume. Ha mwaka wa kuchipa ni ha mwaka wa kucha ukahwime.

Kutuhuka 35:2

Nukalinge milimo ha matangwa asambano alioze ha tangwa liamuchishimbiali kumukukapwa tangwa lisandu kuli yenu, Sambata ya uhwimino ulemu kumeso ja Yehova. Mweswawo malingilaho milimo yeswayo, nukamushihe lume.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Jeremia 17:24

Alioze Yehova kanambe ngwenyi, Nyi munupanjika kuli yami, kunuchi kunjishila chiteli nichimwe ha Sambata ku yikolo yino mu chihunda chino, alioze munufunga Sambata tangwa lisandu, ni kulingaho milimo niyimwe,

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 42:19

Yehova hanambe kuli yenu masalila ja A-Yunda ngwenyi, Kanda nuya ku Engitu. Kashika nyingikenu pundu hinanutoweza musono

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Amose 8:5

Chiwanyino cha kakweji mwaha hali muchisulila hanga tukalanjise mbuto? Sambata ola yika muyipatuka, hanga tukakulise tiliku, tukakehese njongo ni kuweza ku ndando, ni kwonga ni mbalansa ja mahuza,

Mika 6:3

Atu jami, yika nanulinga? Hahi nanupinjisa? Ngukumbululenu!

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Galashia 5:3

Ewa, ngunashindakenya cheka nawa kuli mweswe matambula ungalami, ngwami, Kumapwa mukwa kongo mukulinga shimbi yeswe.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.