Nehemia 13:1 - MUKANDA USANDU WA ZAMBI 1975

¹ Ha tangwa lize yatanga mu mukanda wa Mose kumeso ja atu eswe, yawanamo kuze asonekene ngwo, Ka-Amone hanji Ka-Moape kechi kanjila mu chikungulwila cha Zambi ndo ku miaka ya mutolo;

Mukanda Wa Zambi 1970

¹ Ha matangwa waze yaatanga Shimbi ja Mose ku meso ja atu eswe, yaatanga maliji wano ngwo, mukwa Amone ni mukwa Moabe niumwe mahasa kunjila mu Chikungulwila cha Zambi ndoo ku miaka yeswe.

Nehemia 13:1 Iomraidhean Croise

1 MIANANGANA 23:2

Mwanangana yaya ku zuwo lia Yehova ni malunga eswe a Yunda ni A-Yerusaleme eswe hamwe nenyi, ni asasendote, ni aprofeta, ni atu eswe akepe ni anene. Aye yatanga mu matwi jo maliji eswe a mukanda wa usendo uze awanyine mu zuwo lia Yehova.

Nehemia 13:23

Ha matangwa aze nawa yingumona amwe A-Yunda hambata mapwo a ku Ashedode, ni Amone, ni Moape,

Nehemia 2:10

Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 2:19

Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Nehemia 4:3

Ka-Amone Tobia te kanamana hamwe nenyi, aye yamba ngwenyi, Chipwe chino anatungu, nyi mukuza manyinaho mapuzula chipanga cho cha mawe.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Nehemia 9:3

Yamana kuma kwo nikutanga mu mukanda wa shimbi ja Yehova Zambi yo chihanda chimuwika cha ku yihanda yiwana ya tangwa, mba chihanda chikwo cha ku yihanda yiwana yashikisa nikuwayila Yehova Zambi yo.

Izaya 34:16

Fupenu nukatange mu mukanda wa Yehova; niumwe hakachi ka wano mahona, niumwe chihwo mahona kuji yenyi. Mumu kanwa lia Yehova hiliachituma ni Spiritu yenyi hanaakongo.

Jeremia 48:1

Ha kutwala kuli A-Moape. Yehova-wa-Tujita, Zambi ya Izalele kanambe ngwenyi, Lamba lia Nebo mumu hanenyekako! Kiriataime hanayikolesa sonyi, hanayitambula; mbongo yako hanayikolesa sonyi; hanayipuzula,

Amose 1:13

Yehova kanambe ngwenyi, Mumu ha milonga yitatu ya A-Amone hanji yiwana, chichi kahilwisa kastigu, mumu yahangula mapwo tufumba mu Ngiliate hanga akatohese manjiza jo.

Kwalula 22:5

Iye yatuma mikeji kuli Mbalau, mwana wa Mbeore, ku Petore, kwatwama hakamwihi ni Lwiji, ku chifuchi cha atu jenyi, mukumutambika, ngwenyi, Kunatuhuka atu ku Engitu, kumanyi, hashi hatakana no, kanatwama hatalanganyi ni yami.

Luka 10:26

Yesu wambile kuli iye ngwenyi, Chika chinasonewa mu shimbi? Ngwe kuchi unatange?

Yilinga 13:15

Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 15:21

Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.