Nehemia 12:8 - MUKANDA USANDU WA ZAMBI 1975

⁸ Kwapwile nawa A-Levi: Yeshua, ni Binui, ni Kamiele, ni Sherebia, ni Yunda, ni Matania yoze wasongwelele kusakwila, iye ni usoko wenyi.

Mukanda Wa Zambi 1970

⁸ Alevi: Wano e abwile akwa lutwe ja njimba waze te akwimba miaso ya kusakwilila Zambi, Yeshua, ni Binwi, ni Kadmiele, ni Sherebia, ni Yuda, ni Matania.

Nehemia 12:8 Iomraidhean Croise

1 Sango Ja Mianangana 9:33

Wano e njimba, akwa lutwe ja atato ja A-Levi atwamine mu yipatulo ya zuwo kalingile milimo yikwo. Akwachile milimo yo mwalwa ni ufuku.

Ezra 2:40

A-Levi wano: ana a Yeshua ni Kamiele, kuli ana a Hodavia, makumi shimbiali ni awana.

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Nehemia 11:17

Ni Matania mwana Mika, mwana Zapati, mwana Asafwe, mukwa lutwe kusongwela kusakwila ni kulemba, ni Bakubukia wamuchiali hakachi ka usoko wenyi; ni Abada mwana Shamua, mwana Ngalale, mwana Yedutune.

Nehemia 11:22

Kalayi ka A-Levi mu Yerusaleme, Uzi mwana Mbani, mwana Hashabia, mwana Matania, mwana Mika, ana ja Asafwe, njimba helu lia milimo ya zuwo lia Zambi.

Nehemia 12:24

Akwa lutwe ja A-Levi: Hashabia, ni Sherebia, ni Yeshua mwana Kamiele, ni usoko wo hatalanganyi no, kuhalisa ni kusakwila nikulita ni shimbi ja mutu wa Zambi David; ngango hatalanganyi ni ngango.

Nehemia 12:7

ni Salu, ni Amoke, ni Hilekia, ni Jedaia. Wano te akwa lutwe ja asasendote ni usoko wo ha matangwa ja Yeshua.

Nehemia 12:9

Bakubukia ni Uni nawa, usoko wo, amanyine hatalanganyi no mu uvumbiko.

Nehemia 7:43

A-Levi wano: ana a Yeshua, ni Kamiele, kuli ana a Hodavia, makumi shimbiali ni awana.

Nehemia 7:48

ni ana a Lebana, ni ana a Hagaba, ni ana a Shalmai,

Nehemia 9:4

Henaho kwamanyine ha ukandukilo amwe A-Levi: Yeshua, ni Mbani, ni Kamiele, ni Shebania, ni Buni, ni Sherebia, ni Mbani, ni Chenani. Yalemba ni liji linene kuli Yehova Zambi yo.