Nehemia 12:43 - MUKANDA USANDU WA ZAMBI 1975

⁴³ Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Mukanda Wa Zambi 1970

⁴³ Ha tangwa lize yaalambula milambu yinji. Atu yaawahilila kuhiana mumu Zambi yaawahisa. Mapwo ni ana yaalichinga ni yetu ni kuwahilila. Milolo yize akololokele yiiheta ndoo kusuku.

Nehemia 12:43 Iomraidhean Croise

2 Sango Ja Mianangana 20:13

A-Yunda eswe amanyine kumeso ja Yehova hamwe ni ana jo akepe, ni mapwo jo, ni ana jo a malunga.

2 Sango Ja Mianangana 20:27

Mba yahiluka eze ku Yerusaleme ni uwahililo, malunga eswe a Yunda ni Yerusaleme, ni Yehosofate kulutwe lio; mumu Yehova haaha uwahililo hali akwa kole jo.

2 Sango Ja Mianangana 7:10

Mba ha tangwa makumi aali ni liamuchitatu lia kakweji wamuchishimbiali yatuma atu ku mazuwo jo ni uwahililo ni chiseke mu mbunge mumu ha utu Yehova halinga kuli David, ni kuli Solomone, ni kuli atu jenyi A-Izalele.

Ezra 3:13

Chocho atu kahashile kusa chinyingi hakachi ka zungo lia kulikwiza ni zungo lia kulila cha atu, mumu atu akololokele ni liji linene ni zungo liacho alivwile kusuku.

Nehemia 12:27

Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Nehemia 12:42

ni Maseia ni Shemaia, ni Eleazare, ni Uzi, ni Jehohana, ni Malekia, ni Elame, ni Ezere. Njimba yemba ni tachi ni kasongo ko Jezraia.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Miaso (Masamu) 27:6

Haliapwila kumazundula mutwe wami helu lia akwa kole jami a kungujingilika. Mungutambula yitapo ya uwahililo mu tabernakulu yenyi. Mungwimba, ewa mungwimbita Yehova uhaliso.

Miaso (Masamu) 28:7

Yehova iye tachi jami ni lukepwe wami. Mbunge yami kuyamufuliela; kangukwasa. Kashika mbunge yami yinawahilila chikolo, mungumunalisa ni mwaso wami.

Miaso (Masamu) 9:2

Munguwahilila, mungulikwiza muli yena. Mungwimba uhaliso ku jina lie, yena mwe Chitunda.

Miaso (Masamu) 92:4

Mumu yena Yehova hiwangwaha chiseke mumu ha yitanga ye. Mungukumba ni yitanga ya moko je.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 31:13

Henaho ana-mapwo makawahilila ni kuhangana ni akweze ni makulwana makasehejela. Mungwalumuna kulila cho mu uwahililo. Mungwalembejeka; mungwaaha chiseke ha chinyengo cho.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Kwalula 10:10

Chizechene nawa ha tangwa lia chiseke chenu, ni ha yiwanyino yenu ya kutongola, ni ha uputukilo wa tukweji twenu, yitavwi nukayimbile helu lia milambu yenu ya kulumba ni helu lia yitapo ya milambu yenu ya sambukila. Yikapwe Chiwulwiso kuli yenu kumeso ja Zambi yenu. Yami Yehova Zambi yenu.

Mateu 21:15

Mba muze asasendote akwa lutwe ni akwa kusonyeka amwene yikomokeso yize alingile, ni ana aze akololokele mu tembele ngwo, Vulie! Mwana David; evwile kupiha.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

Yoano 16:22

Ni yenu kashika haliapwila chinyengo nuli nacho, alioze mungukanumona cheka nawa, ni mbunge jenu mujikawahilila, ni uwahililo wenu niumwe manuchizawo.

Efesu 5:19

Nukalihanjikile umwe kuli mukwo ni masamu, ni miaso, ni mimbo ya Spiritu, nikwimba nikutangula mu mbunge jenu kuli Mwene;

Tiangu (Jake) 5:13

Kachi umwe hakachi kenu mevwa lamba, alembe, kachi umwe mapwa ni chisambu, akembe uhaliso.

1 Samuel 4:5

Muze mushete wa usendo wa Yehova wahetele mu chilombo A-Izalele eswe akalumiokene ni liji linene ndo hashi hanyikine nawa.