Nehemia 12:38 - MUKANDA USANDU WA ZAMBI 1975

³⁸ Mbunga yikwo ya akwa kusakwila yalijinga kutakana no, ni yami kwakaula ni chihanda chikwo cha atu ha chipanga-cha-mawe helu lia kaposhi ka tengo ndo ku chipanga chinene cha mawe.

Mukanda Wa Zambi 1970

³⁸ Mbunga ya muchaali ya waze te akuchichimieka Zambi yaatalikisa ku chimeso helu lia chipanga cha mawe, yami mwene yingwakaula ni atu akwo. Yituhiana zuwo lisuku lia kukoleka lia Lutengo ndoo ku chipanga chinene.

Nehemia 12:38 Iomraidhean Croise

Nehemia 12:31

Mba yinguneha alemu ja A-Yunda ha chipanga-cha-mawe. Yingutongola mbunga jinene jiali akwa kusakwila ja kwenda chizechene mu wunji wajo, yimwe yiyiya ha sali lia chindume ha chipanga kutalikisa ku chikolo cha pinga.

Nehemia 3:11

Malekia mwana Harimi ni Hasube mwana Pahata-moape o yalulika chihanda chikwo hamwe ni kaposhi ka tengo.

Nehemia 3:8

Yahatako ha kululika Uziele mwana Halahaia, akwa kufula oru. Yahatako ku milimo Hanania umwe wa kuli akwa yitumbo, o akolesele Yerusaleme ndo ku chipanga-cha-mawe chinene.