Nehemia 12:31 - MUKANDA USANDU WA ZAMBI 1975

³¹ Mba yinguneha alemu ja A-Yunda ha chipanga-cha-mawe. Yingutongola mbunga jinene jiali akwa kusakwila ja kwenda chizechene mu wunji wajo, yimwe yiyiya ha sali lia chindume ha chipanga kutalikisa ku chikolo cha pinga.

Mukanda Wa Zambi 1970

³¹ Yami Nehemia, yingukungulula miata ja Ayuda helu lia chipanga cha mawe, yingwaaha chiyulo cha mbunga jinene jaali ajingilike lie limbo ni kuchichimieka Zambi. Mbunga yimuwika ku chikolo cha Pinga, yaatalikisa ku kwoko lia chindume lia chipanga.

Nehemia 12:31 Iomraidhean Croise

1 Sango Ja Mianangana 13:1

David yafupa mana kuli tupitau twa tununu, ni twa kulakaji, ni kuli akwa lutwe eswe.

1 Sango Ja Mianangana 28:1

David yakungulula ku Yerusaleme alemu eswe a Izalele, ni alemu a minyachi, ni tupitau twa mbunga jize avumbikile mwanangana mu ngango, ni tupitau twa tununu ni tupitau twa kulakaji, ni akwa kuyula upite weswe ni yikumba yeswe ya mwanangana, ni ana jenyi, hamwe ni yilolo ni akwa ndundo, e malunga eswe a ndundo ni hamu.

2 Sango Ja Mianangana 5:2

Mba Solomone yakungulula makulwana a Izalele, ni akwa lutwe eswe a minyachi, ni alemu a mazuwo ja atato a A-Izalele ku Yerusaleme, akasake mushete wa usendo wa Yehova ku limbo lia David, ngwami, Zaione.

Nehemia 12:32

Kwaakawile Hoshaia ni chihanda cha ha muchima cha alemu ja A-Yunda,

Nehemia 12:38

Mbunga yikwo ya akwa kusakwila yalijinga kutakana no, ni yami kwakaula ni chihanda chikwo cha atu ha chipanga-cha-mawe helu lia kaposhi ka tengo ndo ku chipanga chinene cha mawe.

Nehemia 12:40

Chocho mbunga jiali jamanyine ja waze akusakwila mu zuwo lia Zambi, ni yami, ni chihanda cha ha muchima cha akwa kuyula hamuwika,

Nehemia 2:13

Yingutuhuka ha ufuku ku chikolo cha chikulo kutalikisa ku shima lia mikuza, ni ku chikolo cha pinga, nikutala yipanga-ya-mawe ya Yerusaleme, hiyinapuzuka ni yajilo yayo hiyinaweme ni kahia.