Nehemia 12:27 - MUKANDA USANDU WA ZAMBI 1975

²⁷ Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Mukanda Wa Zambi 1970

²⁷ Ha tangwa lia kukunjika chipanga cha kukoleka cha Yerusaleme, yaatambieka Alevi kweswako te atwama eze ni kusakwilila Mwene Zambi ni kumuchichimieka ni uwahililo ni miaso ni yifwolo ni tulialia.

Nehemia 12:27 Iomraidhean Croise

2 Samuel 6:12

Yambulwila mwanangana David ngwo, Yehova hanawahisa zuwo lia Obede-Endome ni yuma yenyi yeswe mumu ha mushete wa Zambi. Kashika David yaya yachiza mushete wa Zambi mu zuwo lia Obede-Endome yauneha kwimbo lia David ni kulikwiza chinji.

1 Yitanga Ya Mianangana 8:63

Solomone yalambula ha milambu ya sambukila yize yalambula kuli Yehova makumi aali a tununu ni tununu aali a ngombe, ni kulakaji lia tununu ni makumi aali a tununu a mapanga. Chocho mwanangana ni A-Izalele eswe yasela ku usandu zuwo lia Yehova.

1 Sango Ja Mianangana 13:8

David ni A-Izalele eswe awahililile kumeso ja Zambi ni tachi jo jeswe ni miaso, ni tulialia, ni yisaji ya kusa, ni tumikupiela, ni sembalu, ni yitavwi.

1 Sango Ja Mianangana 15:12

yamba kuli ayo ngwenyi, Yenu nuli akwa lutwe a ku minyachi ya atato ya A-Levi. Liselenu ku usandu, yenu ni usoko wenu hanga nunehe mushete wa Yehova, Zambi ya Izalele, ku chihela chawo naululikilile.

1 Sango Ja Mianangana 15:16

David yamba akwa lutwe a A-Levi ngwenyi, Tongolenu usoko wenu akapwe njimba a kwimba yisaji, ni yisaji ya kusa, ni tulialia, ni sembalu, ni kulikwiza ni liji lia uwahililo.

1 Sango Ja Mianangana 15:28

Chocho A-Izalele eswe anehene mushete wa usendo wa Yehova ni kulikwiza chinji, ni liji lia njalamina, ni yitavwi, ni sembalu, nikwimba ni tachi ni yisaji ya kusa ni tulialia.

1 Sango Ja Mianangana 15:4

David yakungulula ana ja Arone ni ja A-Levi.

1 Sango Ja Mianangana 16:42

Hamwe no Hemane ni Yedutune apwile ni yitavwi ni sembalu ha kwimba, ni yisaji ha miaso ya Zambi, ni ana ja Yedutune akamane ku chikolo.

1 Sango Ja Mianangana 16:5

Asafwe mukwa lutwe, yahata kuli iye Zekaria, ni Jehiele, ni Shemiramote, ni Jehiele, ni Matitia, ni Eliape, ni Benaia, ni Obede-Endome, ni Jehiele waze memba yisaji ya kusa ni tulialia; Asafwe memba sembalu,

1 Sango Ja Mianangana 23:5

Tununu awana apwile tufunga twa mapito ni tununu awana akwa kuhalisa Yehova ni yisaji yize ya kuhalisa nayo ya kulinga kuli David.

1 Sango Ja Mianangana 26:31

Kuli A-Heprone Jeria wapwile mukwa lutwe hali A-Heprone nikulita ni yisemuko yo kuli atato. Ha mwaka makumi awana wa kuyula cha David yaafupa mba yaawana hakachi ka akwa ndundo ni hamu ku Yazere ya Ngiliate.

2 Sango Ja Mianangana 29:25

Yasa A-Levi mu zuwo lia Yehova ni sembalu, ni yisaji ya kusa, ni tulialia nikulita ni shimbi ja David ni ja Ngate mukwa kumona wa mwanangana, ni profeta Natane; mumu shimbi yapwile ya Yehova kuli aprofeta jenyi.

2 Sango Ja Mianangana 29:30

Chikwo nawa mwanangana Hezekia ni alemu yatuma A-Levi embile uhaliso Yehova ni maliji a David, ni a Asafwe mukwa kumona. Yemba uhaliso ni kulikwiza mba yahetamisa mitwe yo nikuwayila.

2 Sango Ja Mianangana 5:13

mba muze akwa yitavwi ni njimba apwile ngwe mutu umuwika nikuhana liji limuwika lia kuhalisa ni kusakwila Yehova, ni muze liji lio liahiohiele hamwe ni yitavwi, ni sembalu, ni yisaji nikuhalisa Yehova, ngwo, Mumu iye mupema, mumu utu wa zango lienyi wa mutolo: henaho zuwo lieswe, lie zuwo lia Yehova liazalile ni lelwa.

2 Sango Ja Mianangana 7:6

Ni asasendote amanyine nikulita ni uvumbiko wo; ni A-Levi nawa ni yisaji ya Yehova yize mwanangana David walingile ya kusakwila nayo kuli Yehova mumu utu wa zango lienyi wa mutolo, muze David wahalishile ni uvumbiko wo. Ni asasendote yahumuna yitavwi kumeso jo, ni A-Izalele eswe yamana ha molu jo.

Ezra 6:16

A-Izalele, ni asasendote, ni A-Levi, ni akwo a ku unjize afungile ni chiseke chiwanyino cha kutumbikila ku usandu zuwo lino lia Zambi.

Nehemia 11:20

Mba waze akwo hakachi ka A-Izalele, asasendote, ni A-Levi, o eswe apwile mu yihunda yeswe ya Yunda, mutu mweswe mu chihinga chenyi.

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Nehemia 8:17

Chikungulwila cha waze eswe hanakatuka ku unjize yatunga yisakila nikutwamamo, mumu chize ku matangwa a Yeshua mwana Nune ndo tangwa lienalio A-Izalele kachilingile. Kwapwile kulikwiza chinji.

Miaso (Masamu) 149:3

Akahalise jina henyi nikuhangana. Akamwimbile uhaliso ni kangoma ni kalialia.

Miaso (Masamu) 30:1

Mungukwalakana, yena Yehova, mumu hiwanguzundula; kwatayijile akwa kole jami kunguseha.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 20:5

Yilolo ahanjike ni atu ngwo, Lunga muka uliko hatunga zuwo liaha, kanda achilitumbikila? Ahiluke ku zuwo lienyi, kuchina mafwa ku jita, mba mutu weka malitumbikila.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Usolwelo 5:8

Mba muze te handa mukanda, akwa mwono awana ni makumi aali a makulwana ni makulwana awana afulamanyine kumeso ja mwe Mwana-panga, mweswe ni kalialia ni misenge ya oru ya tò ni insensu, yenayo yilemba ya asandu.