Nehemia 12:25 - MUKANDA USANDU WA ZAMBI 1975

²⁵ Matania, ni Bakubukia, ni Obadia, ni Meshulame, ni Talmone, ni Akube apwile akwa mapito a kufunga machila a ku yikolo.

Mukanda Wa Zambi 1970

²⁵ Tufunga waze te akufunga yibatulo ya kuswekela yuma, hehi ni chikolo cha zuwo lia Zambi wano: Matania, ni Bakbukia, ni Obadia, ni Meshulame, ni Talmone, ni Akube.

Nehemia 12:25 Iomraidhean Croise

1 MIANANGANA 7:10

Chocho yeza yasanyika kalayi ka chihunda; yamwambulwila ngwo, Twayanga ku chilombo cha A-Seria, kumanyi niumwe mutu keshiko, chipwe liji lia mutu, alioze tuvwalu a kukasa, ni yimbulu a kukasa, ni mbalaka chizechene.

1 Sango Ja Mianangana 23:32

Yayula nawa akapwe ni ulayilo wa mbalaka ya chikungulwila, ni ulayilo wa muma musandu, ni ulayilo wa usoko wo ana ja Arone ha milimo ya zuwo lia Yehova.

1 Sango Ja Mianangana 26:12

A kuli wano achijile akwa kufunga mapito, te kuli akwa lutwe, ni milimo ya kwasela chizechene ngwe usoko wo akavumbike mu zuwo lia Yehova.

1 Sango Ja Mianangana 26:15

Kuli Obede-Endome cha ku Sule, ni anenyi milimo ya mazuwo a kutulikila.

1 Sango Ja Mianangana 26:17

Ku Chivumbuko kwapwile A-Levi asambano, ku Norte awana ha tangwa awana ha tangwa, ku Sule awana ha tangwa awana ha tangwa, ni ha mazuwo a kutulikila aali ha aali.

2 Sango Ja Mianangana 8:14

Yatongola nikulita ni liji lia tato David, ngango ja asasendote ku uvumbiko wo, ni A-Levi ku milimo yo, kuhalisa ni kuvumbika kumeso ja asasendote, nikulita ni uvumbiko wa tangwa ha tangwa, ni akwa mapito ku yikolo yeswe mumu chocho mutu wa Zambi David watuminyine.

Izaya 21:8

Mba yakalumuka ngwe ndumba ngwenyi, Mwene, ngunamana ha kaposhi wa kalayi nganganga mwalwa weswe, ni kokwene kuma kwami ufuku ha ufuku ndusu.