Nehemia 10:37 - MUKANDA USANDU WA ZAMBI 1975

³⁷ Tukanehe nawa yitangu ya mbolo jetu ja wisu, ni milambu ya kuzundula, ni mihuko ya milali yeswe ya mitondo, ni vinyu, ni maji, kuli asasendote ku yipatulo ya zuwo lia Zambi yetu, ni yihanda ya kumi ya minda yetu kuli A-Levi, mumu o, A-Levi kakuzuka chihanda cha kumi mu yihunda yeswe kuze twakulimina.

Mukanda Wa Zambi 1970

³⁷ Mutuneha nawa kuli mahako mbolo ya kulinga ni mbuto yitangu mwaka ha mwaka, ni milambu yetu yikwo ya vinyu, ni maji a olive, ni ya mihuko yeka ni yeka. Mutuneha nawa kuli Alevi, milambu ya Chihanda chimuwika cha ku yihanda kumi ya mu minda yetu.

Nehemia 10:37 Iomraidhean Croise

2 Sango Ja Mianangana 31:6

A-Izalele ni A-Yunda waze atwamine mu yihunda ya Yunda o nawa yaneha chihanda cha kumi cha ngombe, ni mapanga, ni chihanda cha kumi cha yuma ya kutumbikila yize hasela kuli Yehova Zambi yo. Yeswe yayilunjika milumba.

Nehemia 13:10

Yingumona nawa yihanda ya A-Levi kaaheleyo, kashika A-Levi ni njimba akwa milimo hanayi mutu mweswe ku munda wenyi.

Nehemia 13:12

A-Yunda eswe yaneha chihanda cha kumi cha mbuto ni vinyu ni maji ku mazuwo a upite.

Nehemia 13:5

Halingila Tobia chipatulo chimwe chinene, chize te chapwile cha kutulikila milambu ya wunga, ni libano, ni yikwachilo, ni yihanda ya kumi ya mbuto, ni vinyu, ni maji, yize ayihanyine nikulita ni shimbi kuli A-Levi, ni njimba, ni akwa mapito; ni milambu ya kuzundula ya asasendote.

Nehemia 13:9

Naahele shimbi, mba yapemesa ye yipatulo; yinguhilwisamo yikwachilo ya zuwo Iia Zambi, hamwe ni milambu ya wunga ni libano.

Kutuhuka 13:12

nukasele kuli Yehova waze eswe atangu kusemuka ni tupula-majimo eswe a kuli yimuna. Malunga ni kuji eswe akapwe a mbala a Yehova.

Kutuhuka 13:2

Nungusele ku usandu tupula-majimo eswe hakachi ka A-Izalele, atangu kusemuka kuli atu ni kuli yimuna; ni nyami.

Alevi 23:17

Munuchiza ku mazuwo jenu mbolo jiali akajihungise ja kulinga ni yihanda yiali ya ku yihanda kumi ya njongo ya efa. Jikapwe ja wunga wafufunuka, ja kwocha ni futunwiso jikapwe ja mbuto yitangu kuli Yehova.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Malaki 3:8

Mutu mahasa kwiya kuli Zambi? Hindu yenu nunangwiyi. Alioze nunambe ngwenu, Tunakwiyi kuchi? Ha yihanda yenu ya kumi, ni milambu yenu.

Kwalula 18:15

Tupula-majimo eswe a kuli eswe malambula kuli Yehova, a kuli atu ni yimuna, akapwe a yena. Hindu tupula-majimo a atu ukaakule wate, ni tupula-majimo a yimuna a luchisa ukaakule.

Kwalula 18:18

Yifwo yo yikapwe ya yena, ngwe pambo lia kuhungisa, ni ngwe chilama cha chindume, yikapwe ya yena.

Kwalula 18:21

Hingunahana kuli A-Levi yihanda yeswe ya ku kumi mu Izalele, yikapwe chihinga, mukwaononona ha uvumbiko o akuvumbika, te uvumbiko wa mu mbalaka ya chikungulwila.

A-ROMA 11:16

Achi, kachi muhuko utangu usandu, kachi mwaha weswe nawa usandu: kachi muji usandu, kachi mitango nawa yisandu.

Shimbi 14:22

Nuhane chihanda cha ku kumi cha kwoka cha mbuto jenu mujisoka mu minda yenu mwaka ha mwaka.

Shimbi 18:4

Mbuto yitangu ya ku mbuto yenu, ni ya ku vinyu yenu, ni ya ku maji jenu, ni wona utangu wa ku mapanga jenu, nukamweheyo.

Shimbi 26:2

Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.