Nehemia 10:36 - MUKANDA USANDU WA ZAMBI 1975

³⁶ Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Mukanda Wa Zambi 1970

³⁶ Mwana wa lunga mweswe mutangu kusemuka mutumuneha kuli mahako ku zuwo lia Zambi ni kumukunjika kuli Mwene Zambi nikulita ni Shimbi. Mutukunjika nawa mwana ngombe mweswe mutangu kusemuka, ni chibwe wa panga, hanji wa pembe.

Nehemia 10:36 Iomraidhean Croise

2 Sango Ja Mianangana 31:5

Mba muze shimbi yino hiyafumana A-Izalele yahana mbuto yitangu ya tiliku, ni vinyu, ni maji, ni wuchi, ya kulumbama, ni ya mbuto yeswe ya mu minda. Chihanda cha kumi cha yuma yeswe yaneha ya kulumbama.

Nehemia 12:44

Ha tangwa lize yatongola malunga kuyula mazuwo a upite; ha milambu ya kuzundula, ni mbuto yitangu, ni yihanda ya kumi kuyikunga nikulita ni minda ya yihunda, yihanda yize ayifunjikile mu shimbi hali asasendote ni A-Levi; mumu A-Yunda awahilile hali asasendote ni A-Levi akwa uvumbiko.

Nehemia 13:5

Halingila Tobia chipatulo chimwe chinene, chize te chapwile cha kutulikila milambu ya wunga, ni libano, ni yikwachilo, ni yihanda ya kumi ya mbuto, ni vinyu, ni maji, yize ayihanyine nikulita ni shimbi kuli A-Levi, ni njimba, ni akwa mapito; ni milambu ya kuzundula ya asasendote.

Kutuhuka 13:2

Nungusele ku usandu tupula-majimo eswe hakachi ka A-Izalele, atangu kusemuka kuli atu ni kuli yimuna; ni nyami.

Kutuhuka 23:19

Ukahetese mu zuwo lia Yehova Zambi ye, yitangu ya kuhia ya ku mbuto ya mu minda ye. Kanda ukateleka mwana-pembe mu yamwa ya naye.

Kutuhuka 34:19

Tupula-majimo eswe ninyami. Yimuna je eswe a kuji, ana atangu a ngombe chipwe a mapanga.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Kwalula 3:13

mumu tupula-majimo eswe ninyami. Ha lie tangwa nalambile tupula-majimo eswe a mu chifuchi cha Engitu, tupula-majimo eswe a A-Izalele ni a atu ni a tushitu yingwasela ku usandu hali yami mwene. Kumakapwa a yami. Yami Yehova.

Galashia 6:6

Alioze yoze anamufumbu ni liji, akalianyine ni chifumbe ni yuma yeswe yipema.

Shimbi 12:6

Kwenako munuya, nukaheteseko milamba yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu, ni milambu yenu ya mbunge, ni tupula-majimo a ngombe jenu, ni a yimuna jenu.