Nehemia 10:31 - MUKANDA USANDU WA ZAMBI 1975

³¹ Nyi mavungu a chifuchi maneha yuma yo hanji kulia ha Sambata kulanda, kutuchi kulanda kuli ayo ha Sambata, hanji ha tangwa lisandu; kutuchi kulima mwaka wamuchishimbiali, kutuchi kufwetesa mukuli niumwe.

Mukanda Wa Zambi 1970

³¹ Nyi yilambala maatunehena yimwe mbuto ni kutulanjisa yo ha tangwa lia kuhwima hanji ha tangwa lia chijila kutuchi kuyilanda. Ha mwaka weswe wa muchishimbiali kutuchi kulima minda yetu, ni mikuli kuyikala ka.

Nehemia 10:31 Iomraidhean Croise

2 Sango Ja Mianangana 36:21

akamanunune liji lia Yehova ku kanwa lia Jeremia, ndo chifuchi hichahwima masambata jacho, mumu shimbu chatwamine cha hululu chahwimine Sambata, akamanunune makumi shimbiali a miaka.

Nehemia 13:23

Ha matangwa aze nawa yingumona amwe A-Yunda hambata mapwo a ku Ashedode, ni Amone, ni Moape,

Nehemia 13:27

Mba mutunutayiza kulinga chipi chino cheswe kuvulumuna Zambi yetu ha kumbata mapwo yilambala?

Kutuhuka 12:16

Ha tangwa lia kuputuka hakapwe kulikungulula chisandu ni ha tangwa liamuchishimbiali kukungulula chisandu nawa. Kanda nukalingaho milimo niyeyimwe, shina chize malia mutu mweswe. Chize wika nukalinge.

Kutuhuka 20:10

Alioze tangwa liamuchishimbiali Sambata kuli Yehova Zambi ye. Kanda ukalingaho milimo niyeyimwe, chipwe yena, chipwe mwané wa lunga, chipwe mwané wa pwo, chipwe ngamba ye wa lunga, chipwe ngamba ye wa pwo, chipwe yimuna je, chipwe njize uli mu chihunda che.

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Alevi 16:29

Muchipwa chiyulo cha mutolo kuli yenu, ngwami, ha kakweji wamuchishimbiali, ha tangwa liamuchikumi munukafwichisa mbunge jenu. Kanda nulinga milimo niyimwe, chipwe mwenyembo, chipwe njize yoze watwama hakachi kenu.

Alevi 23:21

Mba munulakenya ha tangwa lioliene nukapwe ni chikungulwila chisandu. Kanda nulinga milimo niyimwe yilemu. Chino muchipwa chiyulo cha mutolo kweswako munutwama ndusu yisemuko yenu yeswe.

Alevi 23:3

munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Mateu 6:12

Utukonekene kama makongo jetu ngwe yetu nawa twakukonekena waze ali ni makongo kuli yetu.

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.