Nehemia 10:28 - MUKANDA USANDU WA ZAMBI 1975

²⁸ Mba atu akwo, asasendote, ni A-Levi, ni akwa mapito, ni njimba, ni A-Netinime, ni waze eswe hanalihandununa kuli mavungu a yifuchi akalinge shimbi ja Zambi, ni mapwo jo, ni ana jo a malunga ni a mapwo, eswe aze apwile ni mana ni chinyingi,

Mukanda Wa Zambi 1970

²⁸ Yetu, Aisraele, ni mahako, ni Alevi, ni tufunga twa zuwo lia Zambi, ni njimba, ni akwa milimo a ku zuwo lia Zambi, ni akwo eswe waze akufunga Shimbi ja Zambi, hitwalihandununa ni yilambala waze atwama mu chifuchi chetu, hitwalichinga hamwe ni mapwo jetu ni akweze jetu eswe waze haakolakola,

Nehemia 10:28 Iomraidhean Croise

Ezra 2:70

Asasendote ni A-Levi, ni chihanda cha atu, ni njimba, ni akwa mapito, ni A-Netinime atwama mu yihunda yo; ni A-Izalele eswe mu yihunda yo.

Ezra 6:21

Ni A-Izalele waze akatukile ku unjize, ni waze eswe hanalipalakenya no nikulihandununa ku luchisa wa mavungu a mu chifuchi akafupe Yehova Zambi ya Izalele, o yachilia.

Nehemia 10:27

ni Maluke, ni Harimi, ni Bana.

Nehemia 13:3

Ha kwivwa shimbi yahandununa kuli A-Izalele mbunga yeswe ya kuchinga.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Nehemia 9:2

Munyachi wa Izalele yalihandununa kuli yilambala eswe. Yamana nikushikisa milonga yo ni uhenge wa atato.

Miaso (Masamu) 47:7

Mumu Zambi iye mwanangana wa hashi heswe; imbenu miaso ya kumuhalisa ni chinyingi.

Longeshi 5:2

Kanda ulipupula ni kanwa. Mbunge ye kanda yilipupula kwamba nichimwe kumeso ja Zambi. Mumu Zambi aye mwilu ali, ni yena uli hashi, kashika maliji je kanda apwa anji.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Alevi 20:24

Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,