Nehemia 1:7 - MUKANDA USANDU WA ZAMBI 1975

⁷ Hitwalinga ni uhulia kuli yena, kutwafungile shimbi, chipwe yiyulo, chipwe upatwilo, yize watumine kavumbi ke Mose.

Mukanda Wa Zambi 1970

⁷ Hitwalinga ni ungulungulu kuli yena. Kutwafungile Shimbi ni yiyulo yize wahanyine kuli kavumbi ke Mose atulweze.

Nehemia 1:7 Iomraidhean Croise

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,

2 Sango Ja Mianangana 25:4

Kashihile ana jo, alioze yalinga nikulita ni chize chasonewene mu shimbi mu mukanda wa Mose, nikulita ni liji lia Yehova ngwo, Kanda ashiha yisemi mumu hali ana, chipwe kanda ashiha ana mumu hali yisemi. Ashihe mutu ni mutu ha mulonga wenyi mwene.

2 Sango Ja Mianangana 27:2

Walingile chipema kumeso ja Yehova nikulita ni chize cheswe tato Uzia walingile; alioze kanjilile mu tembele ya Yehova. E atu alingile uhenge.

Ezra 7:6

yono Ezera yakatuka ku Babilonia, mukwa kusonyeka wa kujama mu milimo ya shimbi ja Mose jize Yehova Zambi ya Izalele wahanyine. Mwanangana yamwaha yeswe echile nikulita ni kwoko lia Yehova Zambi yenyi hali iye.

Miaso (Masamu) 106:6

Twavulumwine hamuwika ni akaka; twalingile uhenge, twalingile ungulungulu.

Miaso (Masamu) 89:31

nyi matangula yiyulo yami, hanji kechi kufunga shimbi jami.

Miaso (Masamu) 89:32

Mba mungukanjisa Utanguko wo ni mbwechi, uhenge wo munguukanjisa ni mijiji.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Daniel 9:13

Kuji-ni-tomo lino hilieza hali yetu nikulita ni chize chinasonewa mu shimbi ja Mose, hindu kutwalembelele vumbi lia Yehova Zambi yetu, ni kuhichika uhenge wetu, nikusa mbunge jetu ku umwenemwene we.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Alevi 27:34

Jino je shimbi Yehova watuminyine A-Izalele kuli Mose ku mulundu wa Sinai.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Malaki 4:4

Iwulukenu shimbi ja kavumbi kami Mose; maliji ni yiyulo yize namutumine ku Horepe hali A-Izalele eswe.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Usolwelo 19:2

Mumu upatwilo wenyi wamwenemwene ni wa ululi: mumu hanapatwila chikoi munene, yoze wapihishile hashi ni utanji wenyi, hanakale manyinga ja ndungo jenyi ku kwoko lienyi.