Nehemia 1:6 - MUKANDA USANDU WA ZAMBI 1975

⁶ Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Mukanda Wa Zambi 1970

⁶ Mwene Zambi ngutale kama, ubanjike kama kulemba chami muze ngunalembela tuvumbi twe Aisraele mwalwa ni ufuku. Ngunanyingika ngwami, yetu Aisraele hitwavulumuna. Tushakulu twami ni yami hitwavulumuna.

Nehemia 1:6 Iomraidhean Croise

1 Yitanga Ya Mianangana 8:30

Panjika ku kuliumba cha kavumbi ke ni ku kuliumba cha atu je A-Izalele muze matemba nikutalikisa kuno. Panjika muze mwilu watwama, ni ha kupanjika, utokonekene kama.

1 Yitanga Ya Mianangana 8:47

chipwe chocho, nyi manyonga mu chifuchi kuze haatwala funge, akatewuluke akaliumbe mu chifuchi cha waze haatwala funge ngwo, Hitwavulumuna, hitwalinga nikupiya, hitwalinga ungulungulu.

2 Sango Ja Mianangana 28:10

Ni haliapwila nunazange kuhombwesa A-Yunda ni A-Yerusaleme nikwatenga, mapwo ni malunga, tupinji twenu. Te yenu kunushi ni milonga ya yenwene kuli Yehova Zambi yenu?

2 Sango Ja Mianangana 29:6

Mumu atata avulumwine, nikulinga chipi kumeso ja Yehova Zambi yetu. Hanamwehuka; hanatewulula meso jo ku zuwo lia Yehova nikumumba nyima.

2 Sango Ja Mianangana 6:40

Zambi yami, ngunaliumbu, meso je alaule, matwi je apanjike ku kulemba chize muchikapwa kuma kuno.

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Ezra 10:11

Kashika shikisenu kuli Yehova Zambi ya tulamba twenu nukalinge upale wenyi, nukalihandu-nune kuli mavungu a chifuchi ni kuli mapwo yilambala.

Nehemia 1:11

Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Miaso (Masamu) 102:17

Iye hanapanjika kulemba cha mukwa kuyindama; kalelesele kulemba cho.

Miaso (Masamu) 106:6

Twavulumwine hamuwika ni akaka; twalingile uhenge, twalingile ungulungulu.

Miaso (Masamu) 130:2

Yehova, ivwa kama liji liami. Matwi je apanjike ku liji lia kuliumba chami.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Miaso (Masamu) 88:1

Yehova, Zambi ya ulamwino wami, ngunatete kuli yena ni mwalwa ni ufuku.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Lungungu 5:7

Tulamba twetu avulumwine, ni musono keshiko; yetu tunatambula lamba lia uhenge wo.

Daniel 9:15

Haliapwila kashika, Mwene Zambi yetu, yena wachijile atu je ku Engitu ni kwoko lia ndundo ni kufumanyisa jina lie ngwe tangwa lia musono; yetu hitwavulumuna, hitwalinga uhenge.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Daniel 9:5

etu hitwavulumuna, hitwalinga chipi, hitwalinga ungulungulu, hitwakukatukila ni kuhambuluka ku shimbi je ni yiyulo ye.

Daniel 9:8

Mwene, kuli yetu sonyi ku meso jinatute, ni kuli mianangana jetu, ni alemu jetu, ni tulamba twetu, mumu Hitwakuvulumuna.

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

Luka 2:37

iye wapwile twamishi ndo ku makumi nake a miaka ni miaka yiwana), kakatukile ku tembele, alioze wavumbikile Zambi, nikulitwamina kulia, nikuliumba ufuku ni mwalwa.

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

1 Timoteu 5:5

Achi, yoze chamwenemwene mapwa twamishi, hanamuhichika ukawenyi, kakutalatala hali Zambi, nikunyongonona mu kuliumba ni kulemba ufuku ni mwalwa.

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.