Nehemia 1:4 - MUKANDA USANDU WA ZAMBI 1975

⁴ Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Mukanda Wa Zambi 1970

⁴ Muze hinevwa yize yeswe, yingutwama hashi ni kulila. Matangwa amwe yingunenganyana, chalile nichimwe, yingulemba Zambi ngwami:

Nehemia 1:4 Iomraidhean Croise

2 Samuel 12:16

David walembelele mwana kuli Zambi. David kalile. Wanjilile nikupomba ha mavu ufuku weswe.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

2 Sango Ja Mianangana 6:13

(Mumu Solomone te hatunga ndondelo ya unengu, kusuha chayo mbandu jitano, kutoha chayo mbandu jitano, Chizundamo chayo mbandu jitatu; hayisa muchima lia yize. Yamanaho, mba yaliumba ha makungunwa jenyi kumeso ja chikungulwila cheswe cha A-Izalele, nikuzoza moko jenyi kwilu.)

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Ezra 9:3

Muze nevwile chino chuma nasonyene chikuto chami ni hina liami lia ngungu, nasuchile kambu jami ni wevu wami ni kutwama ni kulishimwoka.

Ezra 9:5

Ha ola ya mulambu wa ngoloshi nakatukile ku kulilelesa chami, ni chikuto ni hina ya kusonya. Nazondamine ha makungunwa jami nikwolola moko jami kuli Yehova Zambi yami.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Nehemia 2:4

Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Miaso (Masamu) 102:15

Chocho mavungu mavwila woma jina lia Yehova, ni mianangana eswe a hashi mavwila woma ulemu we.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Miaso (Masamu) 137:1

Ku njiji ja Babilonia twatwamine; ewa, twalilile muze twewulukile Zaione.

Daniel 10:2

Ha matangwa aze yami Daniel napwile ni chinyengo semana jitatu ja muwundu.

Daniel 2:18

nikwashinjila akalembele keke kuli mwe Zambi ya mwilu ha kutwala ku chijimbikilo chino, kuchina Daniel ni masepa jenyi akakuwe ni akwa mana akwo a mu Babilonia.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.

Zefania 3:18

ngwe ha tangwa lia chiwanyino. Mungukachiza lamba kuli yena chocho kuchikevwa nawa luchoko walio.

A-ROMA 12:15

Wahililenu hamwe ni waze akuwahilila; lilenu hamwe ni waze akulila.