Nehemia 1:3 - MUKANDA USANDU WA ZAMBI 1975

³ Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Mukanda Wa Zambi 1970

³ Yaangulweza ngwo: “Masalila waze atuhukile mu undungo kaakumona lamba linji, yilambala waze akutwama hakachi ko kaakwasaula. Chikwo nawa, chipanga cha mawe cha Yerusaleme hichinabuzuka ni ye yajilo yacho hiyinaweme.”

Nehemia 1:3 Iomraidhean Croise

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

1 MIANANGANA 25:10

Mba maswalale aze eswe ja A-Kaletea waze ejile ni kapitau ka tulayi apuzwile yipanga-ya-mawe ya Yerusaleme kwa kujingilika.

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Ezra 2:1

Wano akwa chifuchi waze akatukile ku unjize, te Nabukanezore, mwanangana wa Babilonia hanaambata nikwatwala ku Babilonia, o yahiluka ku Yerusaleme ni Yunda, mutu mweswe ku chihunda chenyi.

Ezra 5:8

Tunanulweze ngwetu, Twayile ku chifuchi cha Yunda, ku zuwo lia mwe Zambi munune. Kanalitungu ni mawe anene nikusa mitondo ha mawe, mba milimo yino yinende ni tachi ni kuwaha mu moko jo.

Nehemia 11:3

Wano e alemu a chifuchi atwamine mu Yerusaleme, alioze mu yihunda ya Yunda mutu mweswe Watwamine mu chihinga chenyi, mu chihunda chenyi—A-Izalele, asasendote, ni A-Levi, ni A-Netinime, ni atu ja ngamba ja Solomone.

Nehemia 2:13

Yingutuhuka ha ufuku ku chikolo cha chikulo kutalikisa ku shima lia mikuza, ni ku chikolo cha pinga, nikutala yipanga-ya-mawe ya Yerusaleme, hiyinapuzuka ni yajilo yayo hiyinaweme ni kahia.

Nehemia 2:17

Henaho nambile kuli ayo ngwami, Nunamono chipi chize twatwama nacho, chize Yerusaleme hiyinapuzuka, ni yajilo yako hiyinaweme ni kahia. Tuyenu tutunge chipanga-cha-mawe cha Yerusaleme, kanda tupwa nawa ngwe twasauka.

Nehemia 2:3

Yingwamba kuli mwanangana ngwami, Vulie, mwanangana. Te chichi kupwa ni chinyengo ku meso, shimbu chihunda kuze kwatwama mafuka ja tulamba twami chapwa cha hululu, ni yajilo yako hiyinaweme ni kahia?

Nehemia 7:6

Wano akwa chifuchi waze akatukile ku unjize, te Nabukanezore, mwanangana wa Babilonia, hanaatwala; o yahiluka ku Yerusaleme ni Yunda, mutu mweswe ku chihunda chenyi.

Estere 1:1

Chapwile ha matangwa a Ahashueru (mwe Ahashueru yono wayulile chize ku India ndo ku Etiopia helu lia kulakaji lia yifuchi ni makumi aali a yifuchi ni yifuchi shimbiali),

Miaso (Masamu) 79:4

Hitunasauka hakachi ka waze twatunga no. Hanatulenye nikutuchimbunguna kuli waze anatujingilika.

Yishima 25:28

Yoze kanyingikine kuhumikiza Spiritu yenyi kapwa ngwe chihunda chize chauzuka kuchishi chipanga.

Izaya 43:28

Kashika najilwile alemu a muma musandu; nakunjikile Yakomba akanonge liakulu, nakunjikile Izalele ku sau.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 52:14

Mba maswalale aze eswe ja A-Kaletea waze ejile ni kapitau ka tulayi apuzwile yipanga-ya-mawe ya Yerusaleme kwa kujingilika.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Lungungu 3:61

Yehova, hiwevwa kuchoka cho pi yize yeswe angutakilile.

Lungungu 5:1

Yehova, iwuluka chize hichatuwana; tala uchimone kusauka chetu.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.