Nehemia 1:11 - MUKANDA USANDU WA ZAMBI 1975

¹¹ Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Mukanda Wa Zambi 1970

¹¹ Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Nehemia 1:11 Iomraidhean Croise

Ubutukilo 24:42

Mba musono nahetanga ku fuji lia meya, nambanga ngwami, Yehova Zambi ya mwata wami Apalahama, nyi unawahisa jila yami ngunendela;

Ubutukilo 32:11

Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana.

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Ubutukilo 40:1

Kulutwe lia yuma yino, ni mukwa musenge wa mwanangana wa Engitu ni mukwa kulinga mbolo avulumwine mwene wo, mwe mwanangana wa Engitu.

Ubutukilo 40:2

Falau watenukine ni tuliamanga twenyi aali; ni mwe kapatashi ka akwa misenge, ni mwe kapatashi ka akwa kulinga mbolo.

Ubutukilo 40:21

Kapatashi ka akwa misenge yamwaha nawa milimo yenyi ya misenge, akahane musenge mu kwoko lia Falau.

Ubutukilo 40:23

Hindu kapatashi ka akwa misenge kewulukile José, ka. Yamuvulama.

Ubutukilo 41:9

Henaho mwe kapatashi ka akwa misenge yamba ngwenyi, Mba musono ngunewuluka milonga yami.

Ubutukilo 43:14

ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume.

2 Sango Ja Mianangana 6:40

Zambi yami, ngunaliumbu, meso je alaule, matwi je apanjike ku kulemba chize muchikapwa kuma kuno.

Ezra 1:1

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 7:6

yono Ezera yakatuka ku Babilonia, mukwa kusonyeka wa kujama mu milimo ya shimbi ja Mose jize Yehova Zambi ya Izalele wahanyine. Mwanangana yamwaha yeswe echile nikulita ni kwoko lia Yehova Zambi yenyi hali iye.

Nehemia 1:6

Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Nehemia 2:1

Ha kakweji wa Nisane ha mwaka makumi aali wa mwanangana Artasherke, shimbu kwapwile vinyu kumeso jenyi, yingwanda vinyu, yinguhana kuli mwanangana. Ndo tangwa lize te kanda ngusoloka ni chinyengo kumeso jenyi.

Nehemia 2:8

ni mukanda kuli Asafwe, kalayi ka usaki wa mwanangana, akangwehe mitondo ya manguji ni mikambo ya yajilo ya mbonge yize yatwala ku zuwo, ni ya chipanga-cha-mawe cha chihunda, ni ya zuwo lize mungutwama yami. Mba mwanangana yangutayiza nikulita ni kwoko lipema lia Zambi yami hali yami.

Miaso (Masamu) 106:46

Waaselele keke kuli waze eswe aatwalile mu ufunge.

Miaso (Masamu) 130:2

Yehova, ivwa kama liji liami. Matwi je apanjike ku liji lia kuliumba chami.

Miaso (Masamu) 61:5

Mumu yena Zambi hiwevwa yilakenyo yami, hiwangwaha chihinga cha waze akuvwila woma jina lie.

Miaso (Masamu) 86:6

Yehova, panjika kama ku kulemba chami, wivwe liji lia kulembelela chami.

Yishima 1:29

O te kazangile yinyingi; katongwele woma wa Yehova.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Jeremia 42:12

Mungunuvwila keke hanga iye akanuvwile keke akanutayize kutwama mu chifuchi chenu.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.