Nehemia 1:10 - MUKANDA USANDU WA ZAMBI 1975

¹⁰ Ngwami, Wano tuvumbi twe ni atu je hiwakula ni ngolo je ni kwoko lie lia tachi.

Mukanda Wa Zambi 1970

¹⁰ “Mwene Zambi, wano kaali tuvumbi twe, atu ja yena mwene. Yena waakulile ni kwoko lie lia ndundo.

Nehemia 1:10 Iomraidhean Croise

Miaso (Masamu) 136:12

Wachilingile ni kwoko lia tachi, ni kwoko lia kuzoza; mumu utu wa zango lienyi wa mutolo.

Miaso (Masamu) 74:2

Iwuluka chikungulwila che chize walanjile ha shakulu; chize wakulile chikapwe vungu lia chihinga che; iwuluka mulundu wa Zaione kuze watwamine.

Miaso (Masamu) 89:14

Ululi ni upatwilo wapwa ngwe fundamentu ya ngunja ye. Utu wa zango wakwenda hamuwika ni umwenemwene kumeso je.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:16

Chikapwe chilayi ha moko jenu ni cha kukashila hakachi ka meso jenu, mumu Yehova watuchijile ku Engitu ni kwoko lia tachi.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 13:9

Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Kutuhuka 15:13

Yena ni utu wa zango lie watwalile atu aze waakulile. Yena ni tachi je waasongwelele ndo kuze kwatwama usandu we.

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 64:9

Yehova, kanda uhiana kutenuka; kanda wiwuluka uhenge miaka yeswe. Tala, Zewula, etu eswe tuli atu je.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 9:29

Hindu o kapwa atu jenu, chihinga chenu, nwachichijile ni tachi jenu jinene ni ku kwoko lienu lia kwolola.