Nehemia 1:1 - MUKANDA USANDU WA ZAMBI 1975

¹ Maliji a Nehemia mwana Hakalia. Chapwile ha kakweji wa Chisleve ha mwaka makumi aali, napwile mu zuwo lia mwanangana ku Shushane,

Mukanda Wa Zambi 1970

¹ Mukanda uno unalumbununa yitangu ya Nehemia, mwana wa Hakalia. Mu kakweji wa Kisleve ha mwaka makumi aali wa kuyula cha Artashede, mwanangana wa chifuchi cha Persia, yami Nehemia nabwile mu Shushane, limbo lia wanangana.

Nehemia 1:1 Iomraidhean Croise

Ezra 10:9

Mba malunga eswe a Yunda ni Mbenjamine yakungulukila ku Yerusaleme ha matangwa atatu, te ha kakweji wamuchilivwa ni tangwa makumi aali a kakweji. Atu eswe yatwama mu lwaza kulutwe lia zuwo lia Zambi nikuchikima mumu ha chikuma chino ni ha vula munji nawa.

Ezra 7:7

Kwayile ku Yerusaleme nawa amwe A-Izalele, ni asasendote, ni A-Levi, ni njimba, ni akwa mapito, ni A-Netinime ha mwaka wamuchishimbiali wa mwanangana Artasherke.

Nehemia 10:1

Majina ja waze asele yijikilo yo: Nehemia mwe mukwa kuyula, mwana Hakalia, ni Zedekia,

Nehemia 2:1

Ha kakweji wa Nisane ha mwaka makumi aali wa mwanangana Artasherke, shimbu kwapwile vinyu kumeso jenyi, yingwanda vinyu, yinguhana kuli mwanangana. Ndo tangwa lize te kanda ngusoloka ni chinyengo kumeso jenyi.

Nehemia 5:14

Chuma chikwo nawa, chize ku tangwa lize angutongwele kupwa mukwa kwayula mu chifuchi cha Yunda, chize ku mwaka makumi aali wa Artasherke ndo ku mwaka wenyi makumi atatu ni wamuchiali (ngwami, kumi lia miaka ni miaka yiali), chipwe yami, chipwe usoko wami kutwahle mbolo ya nguvulu.

Estere 1:2

ha matangwa aze shimbu mwanangana Ahashueru watwamine ha ngunja ya wanangana wenyi mwe mu mbala ya Shushane,

Estere 3:15

Mikeji yaya fuji nikulita ni liji lia mwanangana, ni shimbi yayifumanyisa mu mbala ya Shushane. Mwanangana ni Hamane yatwama mukunwa alioze chihunda cha Shushane yichilifwita nacho.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Zakaria 7:1

Ha mwaka wamuchiwana wa mwanangana Dariu liji lia Yehova yiliza kuli Zekaria ha tangwa liamuchiwana lia kakweji wamuchilivwa (wa Chisleve).