Nahume 1:3 - MUKANDA USANDU WA ZAMBI 1975

³ Yehova mukwa makoke kutenuka, alioze ndundo jenyi jinene. Yehova kechi kuhasa kusambisa akwa kuhia, chipwe hakehe. Jila yenyi yili mu chijimbi ni mu kangonga; malelwa o fufuta ya ku yiliato yenyi.

Mukanda Wa Zambi 1970

³ Mwene Zambi keshi kutenuka nikawashi, alioze kali mukwa ndondo, keshi kusambisa waze anahi, nihakepe. Kuze anendela Mwene Zambi, kwakubalika chijimbi; malelwa kaakubwa fufuta ku yiliato yenyi!

Nahume 1:3 Iomraidhean Croise

2 Samuel 22:10

Wahetamishine malilu nawa, wahulumukine. Kushi lia yiliato yenyi kwapwile milima pwi.

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Jobe 10:14

Nyi munguvulumuna wakungufunjika, kuchi kungusambisa ha uhenge wami.

Jobe 38:1

Henaho Yehova yakumbulula kuli Jo ku chijimbi ngwenyi,

Jobe 9:4

Iye mukwa mbunge ya mana, mukwa kutakana ni ndundo. Yoze wakwata nenyi pami mba yatwama kanawa, iya?

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 104:3

Wasela manguji a mazuwo jenyi mu meya; wakutenga malelwa temba lienyi lia jita; wakwenda ha mapulwa ja fuji.

Miaso (Masamu) 145:8

Yehova iye mukwa vumbi kanda mukwa keke. Keshi kutenuka kawashi. Utu wa zango lienyi unene.

Miaso (Masamu) 147:5

Mwene wetu iye munene; katakama mu ndundo. Mana jenyi keshi ni haze anasulila.

Miaso (Masamu) 50:3

Zambi yetu kaneza; kechi kuhola. Kahia mukalesa kulutwe lienyi, kangonga kumakapinda ha kumujingilika.

Miaso (Masamu) 62:11

Zambi hanahanjika kamuwika. Kaali hinevwa chuma chino, ngwo, Ndundo japwa ja mbala ja Zambi.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 29:6

Yehova-wa-Tujita meza kuli yena ni kukulunguza, ni munyiko, ni Chizungozungo, ni chijimbi, ni kangonga, ni mulengi wa kahia ka kulalisa.

Izaya 66:15

Mumu Yehova meza ni kahia, matemba jenyi a jita mapwa fuji ya kangonga, hanga akafwete utenu wenyi ni ufwatulo, akakande ni milenge ya kahia.

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Hosea 8:7

Kakukuwa fuji, mba kumakacha chijimbi. Tiliku mu minda kuyishi mitwe, kuyichi kuhana wunga. Chipwe kachi muyikahana, hindu yilambala makayilia.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Zakaria 9:14

Mba Yehova masoloka helu lio, mivu yenyi muyipwa ngwe njaji. Mwene Yehova mahumuna chitavwi, matuhukila ni yijimbi ya ku Sule.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.