Mika 7:9 - MUKANDA USANDU WA ZAMBI 1975

⁹ Mungutambula utenu wa Yehova mumu hinamuvulumuna; ndo manguhakwila ni chikuma chami, ndo mangupatwila. Kumangutuhwishila mu pangu; kumungumona ululi wenyi.

Mukanda Wa Zambi 1970

⁹ Hitunavulumuna Mwene Zambi, kashika chatutamba kulihumikiza ni utenu wenyi. Alioze hakusula, makatuhakwila ni kutusambisa. Makatuhetesa mu Pangu; mutumona ubatwilo wenyi wa ululi.

Mika 7:9 Iomraidhean Croise

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

Jobe 23:10

Hindu kananyingika jila yize ngunendela; mba muze hangweseka mungutuhuka ngwe oru.

Jobe 35:14

Mba chahiana muze muwamba ngwe, Chamumwene, chikuma chili kumeso jenyi, ngunamutwaminyina.

Miaso (Masamu) 119:154

Unguhakwile kama, Ungukule. Unguhuzulule nikulita ni liji lie.

Miaso (Masamu) 37:6

Iye kumafumanyisa ululi we ngwe pangu, ni chiyulo che ngwe tangwa ha muchima.

Miaso (Masamu) 43:1

Zambi ungupatwile kama yena; unguhakwilile chikuma chami ku vungu lia utanganyanyi; ngupulule kama kuli chilembese ni chihenge.

Miaso (Masamu) 7:6

Katuka kama Yehova ni utenu we; katuka mumu ha ufwatulo wa akwa kole jami: ulaule kama hali yami; yena hiwasela upatwilo.

Miaso (Masamu) 94:15

Mumu upatwilo muwalumuka nawa ululi ni eswe akwa kululama mu mbunge maukaula.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 46:13

Mungukundamisa ululi wami, kuwapwile kusuku ka. Ulamwino wami kuuchi kalaluka. Mungusa ulamwino mu Zaione, hali Izalele uhenya wami.

Izaya 51:22

Mwene we, Yehova Zambi ye, mukwa kuhakwila atu jenyi kanambe ngwenyi, Hinachiza ku kwoko lie we musenge wa kupiepietesa, musenge wa ufwatulo wami kuchi kuunwa nawa.

Izaya 56:1

Yehova kanambe ngwenyi, Funga chize chinalite, linga ululi, mumu ulamwino wami muwiza nikawashi, ululi wami muusoloka.

Jeremia 10:19

Lamba liami mumu ha yikola yami! Mbandu yami yipi. Alioze nambile ngwami, Pundu lino lamba liami, mba changutamba kulikoleza nalio.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 51:10

Yehova hanasolola kusamba chetu; tatuye, tukambulule mu Zaione milimo ya Yehova Zambi yetu.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Alevi 26:41

chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

1 Samuel 24:15

Kashika Yehova apatule akatwehe upatwilo hakachi ka yami ni yenu, achimone, anguhakwile, angupulule kuli yenu.

1 Samuel 25:39

Muze David yevwa ngwo, Nabale hafwa, iye yamba ngwenyi, Kawaha Yehova yoze hafwetesa sau lize natambwile kuli Nabale, kangutayijile yami kavumbi kenyi kulinga chuma chipi. Yehova hanahilwisa yipi ya Nabale ha mutwe wenyi mwene. Mba David yatuma akatende Abigale akapwe pwo lienyi.

1 Samuel 26:10

David yamba ngwenyi, Ni mwono wa Yehova, Yehova mwene mamulamba; hanji tangwa lienyi lia kufwa muliza; hanji maya ku jita mba mafwa.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.