Mika 7:8 - MUKANDA USANDU WA ZAMBI 1975

⁸ Ena mukwa kole yami, kanda unguyunga. Chipwe mungulimbuka hindu munguhinduka nawa. Chipwe mungutwama mu milima Yehova mapwa pangu kuli yami.

Mukanda Wa Zambi 1970

⁸ Akwa kole jetu kaahashile kutuyunga. Hitunalimbuka, alioze kumutuhinduka nawa. Haliabwila tuli mu milima, alioze Mwene Zambi makatutemwina.

Mika 7:8 Iomraidhean Croise

Jobe 31:29

Nyi hinawahilila muze mukwa kole yami hanonga, hanji kulikwiza muze chipi chamuwana,

Miaso (Masamu) 112:4

Kuli mukwa kululama kwakuvumbuka pangu hakachi ka milima. Iye mukwa vumbi ni keke ni ululi.

Miaso (Masamu) 143:3

Mumu mukwa kole hanahungumiona mbunge yami. Hanalambe mwono wami hashi. Hanangutwamisa muma mwa milima ngwe waze hanafu kulu.

Miaso (Masamu) 20:8

O hanahetama, hanalimbuka: alioze yetu hitwahinduka, tunamana ngú.

Miaso (Masamu) 27:1

Yehova iye pangu liami ni ulamwino wami. Iya mungumuvwila woma? Yehova iye tachi ja mwono wami. Iya mungumuvwila woma?

Miaso (Masamu) 35:19

Waze anapu akwa kole jami shili yamokomoko, kanda watayiza kunguyunga. Waze akunguvwila kole kuyishi chikuma, kanda atenya ni meso jo.

Miaso (Masamu) 37:21

Yingulungulu kakulambula alioze keshi kuhilwisa, alioze akwa ululi kakulinga ni vumbi, kakuhana lume.

Miaso (Masamu) 37:24

Chipwe malimbuka kechi kulilamba hashi liakulu, mumu Yehova kakumukwata ku kwoko.

Miaso (Masamu) 38:16

Mumu nambile ngwami, Kuchina manguyunga. Muze chiliato chami muchisenunuka o malisamba ni yami.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 97:11

Kakukuwila pangu akwa ululi. Kakumwangina uwahililo waze alulama mu mbunge.

Izaya 2:5

Enu akwa munyachi wa Yakomba, tweyenu tukende mu pangu lia Yehova.

Izaya 49:9

ukambe kuli funge ngwe, Tuhukenu, kuli waze atwama mu milima ngwe, Solokenu. Kumakalia mu jila, ku milundu ya hululu makawana kelo.

Izaya 50:10

Iya hakachi kenu kakuvwila woma Yehova, kakwononoka ku liji lia kavumbi kenyi, kakwenda mu milima, keshi pangu, hindu kakufuliela jina lia Yehova, kakujikijila hali Zambi yenyi?

Izaya 9:2

Atu aze endele mu milima hamona pangu linene; waze atwamine mu chifuchi cha milima pwi, hali ayo pangu linene hilinapanguka.

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Jeremia 50:11

Chipwe nunawahilila, chipwe nunalikwiza, enu akwa kupupa chihinga chami, chipwe nuli ni usolo ngwe chihwo cha chimbembe cha ngombe ha kelo, chipwe nwakuteta ngwe kuji ja tuvwalu,

Jeremia 8:4

Muwamba kuli ayo ngwe, Yehova kanambe ngwenyi, Muze malunga akulimbuka, te keshi kuhinduka nawa? Nyi umwe mapianguka, keshi kuhiluka?

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Ezekiel 35:15

Chizechene ngwe yenu nwawahililile ha chihinga cha munyachi wa Izalele mumu chalumukine cha kwenyeka, chochene nawa mungukalinga ni yenu. Kumuopwa wa kwenyeka, yena mulundu wa Sere, ni mweswe mu Endome, kwe kweswe. Henaho makanyingika yami nguli Yehova.

Ezekiel 36:5

kashika Mwene Yehova kanambe ngwenyi, Ngunahanjika ni ukwa wami usasu kulimika ni mavungu akwo, ni kulimika ni A-Endome eswe, waze ahanyine chifuchi chami kuli ayo ene achipite ni uwahililo wunji ni kaleleso mweswe akachipite ni kuchipupa.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Obadia 1:12

Kuchakutambile kutala ha tangwa lia mwanakwenu; ha tangwa lia lamba lienyi. Kuchakutambile kuwahilila ha kumona A-Yunda ha tangwa lia kwaonwona, chipwe kuhanjika nikulengumuka ha tangwa lia luyinda.

Mika 4:10

Mwana-pwo Zaione, pinda ni mikuma ngwe mukwa kufumbajala, mumu haliapwila mukatuka ku chihunda ukatwame mu yambu, kumuoya ku Babilonia. Kwenako makakupulwila; kwenako Yehova makakukulila ku tachi ja akwa kole je.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Yoano 16:20

Pundu, pundu, ngunambe kuli yenu ngwami, Munukalila, nikulinyenga, alioze akwa hashi makawahilila; munukevwa chinyengo, alioze chinyengo chenu muchalumuka uwahililo.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

2 Korintu 4:9

kakutuhungumiona, hindu keshi kutwehuka; twakulambama hashi, hindu keshi kutwonwona;

Usolwelo 21:23

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga.

Usolwelo 22:5

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.