Mika 7:6 - MUKANDA USANDU WA ZAMBI 1975

⁶ Mumu mwana wa lunga kakulelesa tato, ni mwana wa pwo kakukatukila naye; tembwa-mwanenyi malimika ni tato-pwo. Akwa kole ja mutu e akwa usoko wenyi.

Mukanda Wa Zambi 1970

⁶ Ha matangwa wano ana malunga kaakumona ngwe atato kaali yihepuke, ana mapwo kaakulimika ni anaye, akweze ja mapwo kaakuzwelesa atato pwo; akwa kole ja mutu kaali a ku jiko lienyi mwene.

Mika 7:6 Iomraidhean Croise

Ubutukilo 49:4

Wafulukila ngwe meya, kuchi kukumba, mumu wakundamine ku muhela wa tatenu. Wauchishile, wakundamine ku muhela wami.

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Izaya 3:5

Atu malipinjisa umwe ni mukwo ni mukwo, mutu mweswe mapinjisa mulio, mutu mweswe mwenyembo wenyi; kanuke masaula mukulwana, ni wamokomoko mapinjisa mulemu.

Izaya 9:19

Ku ufwatulo wa Yehova-wa-Tujita chifuchi chinaweme, ni atu hanalumuka kunyi ja ha jiko; mutu niumwe mavwila keke usoko wenyi.

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 9:4

Mutu mweswe akanyame ni mwenyembo wenyi, niumwe kanda afuliela mwanakwo. Mumu mwanakwo mweswe kapwa mukwa kanjiliji, ni mwenyembo mweswe kanende ni kulamikiza.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Obadia 1:7

Masepa je hakuhanga ndo ku njiza. Waze Watwamine no ni sambukila hakwonga, hakukumba. Waze alile kulia che hakutela muheto. Kwapwile ni mana a kuchinyingika.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Mateu 26:23

Iye wakumbulwile, ngwenyi, Yoze unatate kwoko lienyi hamwe ni yami mu chenga, mwenawo mangukunjika.

Luka 12:53

Tato kumalihandununa kuli mwanenyi wa lunga, ni mwanenyi wa lunga kuli tato; naye malihandununa kuli mwanenyi wa pwo, ni mwanenyi wa pwo malihandununa kuli naye; tato-pwo malihandununa kuli tembwa-mwanenyi, ni tembwa-mwanenyi malihandununa kuli tato-pwo.

Luka 21:16

Alioze kumakanukunjika chipwe kuli yisemi, ni asongo-ni-atu, ni usoko, ni tusendo; o kumakashiha amwe a kuli yenu.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.