Mika 7:19 - MUKANDA USANDU WA ZAMBI 1975

¹⁹ Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Mukanda Wa Zambi 1970

¹⁹ Kumuukatulweza nawa keke, muukaliachila milonga yetu kushi lia yiliato ye ni kuyishinjika ndoo kushi lia kalunga lwiji!

Mika 7:19 Iomraidhean Croise

2 Samuel 24:14

David yamba kuli Ngate ngwenyi, Nguli wa kupalakenya. Hapwa tuholoke mu kwoko lia Yehova, mumu keke yenyi yinene. Kanda nguholoka mu kwoko lia atu.

Miaso (Masamu) 103:12

Chize wapwa usuku wa Chivumbuko ndo ku Chitokelo, chocho wahandununa kuli yetu Utanguko wetu.

Miaso (Masamu) 130:8

Iye kumakakula Izalele ku uhenge wenyi weswe.

Miaso (Masamu) 85:3

Hiunachiza ufwatulo we weswe. Hiunatewuluka ku kusasaminya cha utenu we.

Izaya 33:24

Niumwe watungako mamba ngwenyi, Ngunayiji. Waze atungako maakonekena uhenge wo.

Izaya 38:17

Kumanyi usasu wami wapwile wa kungukwasa. Ena hiwapulula mwono wami ku jondo ya kwonwona, mumu hiwambila milonga yami kunyima ye.

Izaya 43:25

Yami, Yami Nguli mwe mukwa kujimuna Utanguko wenu ha mukunda wa yami mwene; chichi kewuluka nawa milonga yenu.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Jeremia 33:8

Mungukaapemesa ku uhie wa kunguvulumuna; mungukakonekena uhie wa kunguvulumuna ni kungukatukila.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Ezekiel 18:22

Niumwe Utanguko aye halinga makamwiwulukilawo nawa wa kulimika nenyi. Kumakatwama ni mwono mumu ha ululi halinga.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Zakaria 3:4

Mungelo yamba kuli waze anamana kumeso jenyi ngwenyi, Muzulenu mazalo wano a luchisa. Mba yamba kuli iye ngwenyi, Tala hinakuchiza uhenge we; mungukujika ni mazalo a ndando yinene.

A-ROMA 6:14

Mumu shili kuyichi kapwa ni chiyulo hali yenu: mumu kunwalingile kushi lia shimbi, alioze kushi lia vumbi.

A-ROMA 8:13

mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 32:36

Mumu Yehova makasambisa atu jenyi. Makavwila keke tuvumbi twenyi muze mamona tachi jo hijahwa mba niumwe wasala, apwe ndungo, apwe mwene.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 8:12

Mumu kumungwavwila keke ha uhenge wo, ni milonga yo chichi kayiwuluka nawa ndo ku miaka ya mutolo.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.