Mika 7:17 - MUKANDA USANDU WA ZAMBI 1975

¹⁷ Kumakalesa fufuta ngwe tupela ngwe tushitu a kukalala hashi. Kumakatuhuka ku yihunda yo ya kukolesa nikuchikima; kumakatewulukila ni mwongo kuli Yehova Zambi yetu; kumakevwa woma ha mukunda wa yena.

Mukanda Wa Zambi 1970

¹⁷ Kumaakaasa fufuta ngwe manoka; kumaakatuhuka ku membo jo akukoleka nikuchikima ni woma. Mba maakatewulukila kuli Mwene Zambi, Zambi yetu, ni woma.

Mika 7:17 Iomraidhean Croise

2 Samuel 22:46

Yilambala kumakalela; kumatuhuka mu yiswamo yo nikuchikima.

2 Sango Ja Mianangana 17:10

Woma wa Yehova wejile hali akwa mavungu eswe a mu yifuchi ya kujingilika Yunda. Kashile jita nawa ni Yehosofate.

Miaso (Masamu) 18:45

Yilambala kumakalela; kumatuhuka mu yiswamo yo nikuchikima.

Miaso (Masamu) 72:11

Ewa, mianangana eswe kumakafulamana kumeso jenyi. Mavungu eswe kumakamulingila.

Miaso (Masamu) 72:9

Akwa kutwama mu puya malihetamina kuli iye, akwa kole jenyi kumakalesa fufuta.

Miaso (Masamu) 9:20

Uakolese woma Yehova, hanga mavungu alinyingike ngwo, Tuli atu tuhu.(Litulike.)

Izaya 25:3

Kashika mavungu a tachi makakuchichimieka, yihunda ya mavungu a uswi muyikakuvwila woma.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Izaya 60:14

Ana ja waze anupinjishile meza nikuhetamina hashi kuli yenu; waze eswe anulelesele mahetamina ku yiliato yenu. Kumakanutongola ngwo, Limbo lia Yehova, Zaione ya mwe Musandu wa Izalele.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Izaya 65:25

Kangunga ni mwana-panga makalia hamuwika, ndumba makalia mwambu ngwe ngombe. Fufuta muyikapwa kulia cha lunoka. Kechi kavwisa yikola hanji kwenyeka mweswe mu mulundu wami usandu. Chocho kanambe Yehova.

Izaya 7:19

O eswe meza ni kupwila mu mambongo ajotoka, ni mu yivwenge mu yimawe, ni ha mingonga yeswe, ni ha kelo jeswe.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Lungungu 3:29

akase kanwa lienyi mu fufuta— hanji meza kutalatala;

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Shimbi 32:24

Makawangama ni zala. Makakuwa ni kusasaminya chá, ni yilungo ya utende. Mungwatuma mazo a ngongo ni utende wa tushitu a kukalala mu fufuta.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.

1 Samuel 14:11

Chocho eswe ni aali asotokele kuli maswalale ja A-Filistea. Mba A-Filistea yamba ngwo, Talenu, A-Hepreu kanatuhuka mu mena jo kuze aswamine.