Mika 7:14 - MUKANDA USANDU WA ZAMBI 1975

¹⁴ Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

Mukanda Wa Zambi 1970

¹⁴ Mwene Zambi bwako kama kafunga ka atu je, atu waze watongwele. Chibwe kaanatwama ukawo mu puya, chifuchi cha chinuno chakwajingilika. Atayize aye akalile mu chililo chibema cha Bashane ni Gileade, ngwe chize alingile ku shakulu.

Mika 7:14 Iomraidhean Croise

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 143:5

Nakwiwuluka matangwa a kushi. Nakupukuna ha yilinga ye yeswe. Nakuzewula yitanga ya moko je.

Miaso (Masamu) 28:9

Lamwina kama atu je; wahisa chihinga che. Ualise nawa, uazundule ndo ku miaka ya mutolo. Samu lia David.

Miaso (Masamu) 95:7

Mumu iye Zambi yetu. Yetu twapwa tuli atu a ku kelo jenyi. Tuli mapanga a mu kwoko lienyi. Musono nyi munwivwa liji lienyi,

Kutuhuka 33:16

Kuchi mungunyingika ngwami, Hinawana vumbi kumeso je, ni yami ni atu je? Te kuchapwile ha chuma chino nyi? Mumu yena wakuya hamwe ni yetu, chocho ni yami ni atu je tukahandunuke kuli atu eswe muno muze.

Mwaso Ubema Wahiana 4:1

Kuwapema, mukwa zango liami, kuwapema! Meso je kapwa ngwe tutele muchima lia wanda we. Kambu je japwa ngwe chendo cha pembe kanapalumukina ha milundu ya Ngiliate.

Izaya 27:13

Ha tangwa lize mahumuna chitavwi chinene, ni waze anatoko mu chifuchi cha Asuria ni waze aahumine aye ku Engitu meza akawayile Yehova ha mulundu usandu ku Yerusaleme.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 37:24

Hiwachoka Mwene ni tunganda twe. Hiwamba ngwe, Nguneza ni chihuji cha matemba jami ndo helu lia milundu, ndo muchima lia Lebano. Mungupakula mitondo yisuku ya sedru, ni mitondo yipema ya kupresu. Munguheta ku nangamo lize lisuku liahiana, chipwe mu usaki wa minda yenyi ya chinuno.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 49:10

Kechi kevwa zala hanji pwila; kechi kalambiwa ni fuji ya chivukuminya chipwe ni mwalwa, mumu mukwa kwavwila keke kumakaatetekela, kumakaasongwela ku mafuji a meya.

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Jeremia 49:31

Yehova kanambe ngwenyi, Katukenu, senyenu kulimika ni akwa vungu limwe akutwama ni kuhwima ni chipi chakuhi. Keshi ni mapito chipwe njalo; kanatwama ukawo.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Lungungu 5:21

Tuhilwise kuli yena mwene Yehova tukahuzuluke! Pwisa matangwa jetu aha, ngwe apwile kunyima!

Ezekiel 36:11

Mba mungukaokesa hali yenu ni atu ni tushitu, no makaoka ni kusema, mba makatwama muli yenu ngwe ku miaka ya shakulu. Makanulinga chipema kuhiana chipema chize cheswe cha kunyima. Henaho munukanyingika yami nguli Yehova.

Alevi 27:32

Chihanda cha kumi cha ngombe ni mapanga ni pembe eswe, chimuna mweswe wamuchikumi wa kwalula kuli kafunga mapwa musandu kuli Yehova.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Obadia 1:19

Akwa Negeve kumakazuka mulundu wa Esau. Akwa Shefela kumakazuka A-Filistea. Kumakazuka chifuchi cha Eframe ni chifuchi cha Samaria. Mbenjamine kumakazuka Ngiliate.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zakaria 10:10

Ku chifuchi cha Engitu mungukaachiza nikwaneha ku mahio; chipwe ku Asuria mungukaakonga, mba mungukaaneha ku chifuchi cha Ngiliate ni Lebano ndo kukwasalile nawa chihela.

Zakaria 11:7

Chocho nalumukine kafunga ka mapaagu aze hanaafunjikila kufwa mumu hali akwa kusepa ni mapanga. Yingwanda milumbu yiali. Umwe naulukile ngwami, Vumbi; ukwo naulukile ngwami, Kununga. Yingufunga mapanga.

Malaki 3:4

Henaho mulambu wa Yunda ni Yerusaleme muuwahila Yehova ngwe ha matangwa a shakulu, miaka ya kushi.

Kwalula 23:9

Ku mbulwa mawe ngunamumono iye. Ku milundu ngunamutale iye. Kutala! O kapwa atu a kutwama ukawo. Kechi kaalula mukachi ka mavungu!

Kwalula 32:1

Achi A-Rupene ni A-Ngate apwile ni mbunga yinene ya yimuna; muze amwene chifuchi cha Yazere ni chifuchi cha Ngiliate, kumanyi chapwile chifuchi cha yimuna.

Kwalula 32:4

chifuchi chize Yehova walambile kumeso ja chikungulwila cha A-Izalele, kuchapwa chifuchi cha yimuna; ndungo jenu kali ni yimuna.

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Yoano 17:16

O hi akwa hashi ko, chizechene ngwe yami hi nguli mukwa hashi ko.

Shimbi 33:28

Chocho Izalele makatwama kawape ukawenyi. Fuji lia Yakomba makatwama mu chifuchi cha mbuto ni vinyu, mba malilu jenyi makamwaha mume.