Mika 7:13 - MUKANDA USANDU WA ZAMBI 1975

¹³ Alioze hashi muhapwa ha kwenyeka ha mukunda wa enyaho mumu ha mihuko ya yitanga yo.

Mukanda Wa Zambi 1970

¹³ Alioze hashi muhakalumuka puya mumu ha ungulungulu wa atu waze atwama ho.

Mika 7:13 Iomraidhean Croise

Jobe 4:8

Chize nakumona yami, akwa kulima uhenge ni kukuwa chipi kakucha yiyene.

Yishima 1:31

Kashika kumakalia mihuko ya kwenda cho. Kumakakuta ni yitaka yo ene.

Yishima 31:31

Hana kuli iye mihuko ya moko jenyi; yitanga yenyi mwene yikamuhalise mu yikolo ya limbo.

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Izaya 17:9

Ha tangwa lize yihunda ya kukolesa muyikapwa ngwe yikulu ya A-Hevwe ni A-Amore, yize ahichikile mumu hali A-Izalele. Chifuchi muchikapwa cha hululu.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Ezekiel 12:19

ukambe kuli akwa chifuchi ngwe, Mwene Yehova kanambe ha kutwala kuli akwa Yerusaleme mu chifuchi cha Izalele ngwenyi, Makalia mbolo yo ni woma, makanwa meya ni mwongo, mumu chifuchi cho makachizamo yuma yacho yeswe, ha mukunda wa upupilo wa waze eswe atwamamo.

Ezekiel 33:28

Mungukapwisa chifuchi cha kwenyeka, cha hululu, mba ndundo jenyi ja kulengumuka mujikasula. Milundu ya Izalele muyipwa ya kwenyeka, chocho niumwe mapalikamo.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mika 6:13

Kashika hinaputuka kunulamba ni kunupwisa a hululu ha mukunda wa mitonga yenu.