Mika 7:12 - MUKANDA USANDU WA ZAMBI 1975

¹² Ha tangwa lize makeza kuli yena chize ku Asuria ndo ku Engitu; chize ku Engitu ndo ku mwe Lwiji; chize ku kalunga-lwiji ndo ku kalunga-lwiji, chize ku mulundu ndo ku mulundu.

Mukanda Wa Zambi 1970

¹² Atu je maakakatuka ku yifuchi yeswe, ku Asuria ku chivumbuko, ni ku Egiptu ku sude, ni ku chifuchi hehi ni lwiji Ufrateze, ni ku kalunga lwiji ni milundu kusuku; maakahiluka ku mahio.

Mika 7:12 Iomraidhean Croise

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 11:16

Kumukukapwa Chikoka cha kukatuka ku Asuria hali masalila ja atu jenyi aze asalako, ngwe chapwile hali A-Izalele muze akatukile ku chifuchi cha Engitu.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Izaya 49:12

Wano kumakeza kusuku, ni wano kumakatuka ku Norte ni ku Chitokelo, ni wano ku chifuchi cha Sinime.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 46:27

Alioze yena kavumbi kami Yakomba kanda wivwa woma; yena Izalele, kanda utatajala, mumu mungunulamwina kusuku, waze makasemuka kuli yena mungwalamwina ku yifuchi ya ufunge wo. Yakomba kumakahiluka; kumakawana kuhola ni uhwimino, niumwe mamukolesa woma wakuhi.

Ezekiel 29:21

Ha tangwa lize mungukasokesa mbinga hakachi ka akwa munyachi wa Izalele mba mungukapakula mivumbo ye hakachi ko. Henaho makanyingika yami nguli Yehova.

Ezekiel 37:21

hi amba kuli ayo ngwe, Mwene Yehova kanambe ngwenyi, Munguchiza A-Izalele ku mavungu kuze hanayi; mungwakonga sali ni sali ngukaanehe mu chifuchi cha ayo ene.

Hosea 11:11

Makakatuka nikulipupwisa ngwe tujila ku Engitu, ngwe tutele ku chifuchi cha Asuria mba mungwahilwisa ku mahio. Chocho kanambe Yehova.