Mika 7:1 - MUKANDA USANDU WA ZAMBI 1975

¹ Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Mukanda Wa Zambi 1970

¹ Mama lambee! Hinabwa ngwe mutu yoze hafwa zala, yoze keshi kuwana limwe wundu ku mitondo, hanji yimwe yichakata ku mitondo ya vinyu. Yichakata yeswe ya vinyu ni mihuko yeswe yiyema ya mikuyu haayihela kulu.

Mika 7:1 Iomraidhean Croise

Miaso (Masamu) 120:5

Lamba liami! mumu natwama mu Mesheke; mumu nakutwama hakachi ka mbalaka ja Keta.

Yishima 20:6

Mutu mweswe mambulula utu wenyi mwene; alioze mukwa jika iya mahasa kumuwana?

Izaya 17:6

Mbuto yimwe muyilisalaho, ngwe muze masunga mutondo wa olevwe— mihuko yiali hanji yitatu ha masongo a mitango ya kwilu; yiwana hanji yitano ha mitango ya mutondo wa mihuko. Chocho kanambe Yehova Zambi ya Izalele.

Izaya 24:13

Mumu chocho muchikapwa hashi hakachi ka mavungu, ngwe mutondo wa olevwe muze maunyika, ha mwaka wa kwandanda muze te hamana kucha.

Izaya 24:16

Chize ku masongo a hashi tunevu miaso ya uhaliso, ya uhenya kuli Mukwa Ululi. Hindu yami ngunambe ngwami, Ngunapokieka, ngunapokieka. Lamba liami! Mumu akwa mafwefwe kanalingi ni mafwefwe, ni akwa mafwefwe kanalingi chikolo ni mafwefwe.

Izaya 28:4

ni chitemo chumu cha upeme wo wa uhenya, chize chili ha mutwe wa chikulo cha chinuno muchipwa ngwe kuyu lize lia kuhia shimbu mwaka kanda uchiheta; muze mutu malimona malilia ha kulikwata mu kwoko.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 15:10

Ena mama! Lamba liami mumu wangusema, yami nguli lunga wa kulitachika ni wa kulimanangana chifuchi cheswe. Chaahele mikuli chipwe kuyitambula hindu e atu eswe kakungutukatuka.

Jeremia 24:2

Mutonga umwe uli ni makuyu apema chikolo, ngwe waze mahanga kuhia, alioze mutonga ukwo uli ni makuyu api chikolo. Hapiha chocho mutu kechi kuhasa kwalia.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 45:3

Yena wambile ngwe, Lamba liami! Mumu Yehova haweza chinyengo ku yikola yami. Yikatalo ngunevu ha kutwa mikuma. Chawanyine uhwimino.

Jeremia 5:1

Zomboka mu matapalo ja Yerusaleme sali ni sali. Tala kanawa uzewule. Fupa mu malindalinda jenyi nyi muhasa kuwana lunga umuwika, yoze wakulinga chize chinalite, kakufupa umwenemwene; hanga ngukonekene chihunda.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

Kwalula 18:13

Mihuko yitangu ya mu chifuchi cho cheswe mayineha kuli Yehova, yikapwe ya mbala ya yena. Akwa jiko lie eswe anapeme akayilie.