Mika 6:8 - MUKANDA USANDU WA ZAMBI 1975

⁸ Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Mukanda Wa Zambi 1970

⁸ Kaa mata! Mwene Zambi hanatulweze chize akuzanga: kulinga chize chinalite, kulweza zango lize kulishi kuhwa, kuliendela ni Zambi yetu nikulikehesa.

Mika 6:8 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 5:22

Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo.

2 Sango Ja Mianangana 30:11

Hindu amwe a kuli A-Ashe ni A-Manase ni A-Zapulone yalikehesa, yeza ku Yerusaleme.

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

Nehemia 9:13

Wahulumukine ha mulundu wa Sinai nawa wahanjikile no mwilu; waahele upatwilo wa pundu, ni shimbi jamwenemwene, ni yiyulo yipema ni maliji.

Miaso (Masamu) 101:1

Kumungwimbila utu wa zango ni upatwilo. Kuli yena Yehova mungwimba uhaliso.

Miaso (Masamu) 112:4

Kuli mukwa kululama kwakuvumbuka pangu hakachi ka milima. Iye mukwa vumbi ni keke ni ululi.

Miaso (Masamu) 112:9

Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

Miaso (Masamu) 37:26

Tangwa lieswe iye mukwa vumbi; kakuhana, mba munyachi wenyi muukawaha.

Miaso (Masamu) 73:28

Alioze chipema kuli yami kukundama kuli Zambi. Hinasa Ufulielo wami muli Mwene Yehova, hanga ngukambulule yitanga ye yeswe.

Yishima 21:3

Kulinga ululi ni upatwilo wapemena Yehova kuhiana yitapo.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Izaya 56:1

Yehova kanambe ngwenyi, Funga chize chinalite, linga ululi, mumu ulamwino wami muwiza nikawashi, ululi wami muusoloka.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Jeremia 22:16

Wapatwile kanawa chikuma cha chiswale ni mukwa kuhona, miaka yize te kanawaha. Yehova kanambe ngwenyi, Chenacho te chinalumbunuka kungunyingika.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Lungungu 3:26

Chinapeme mutu akatwaminyine ulamwino wa Yehova nikulifwita ka.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Ezekiel 33:14

Alioze nyi mungwamba kuli chingulungulu ngwami, Pundu kumuofwa, hindu nyi malumuka ni kuhichika shili yenyi ni kulinga chize chinalite ni shimbi, chize Chinalulama,

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Hosea 6:6

Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.

Alevi 26:41

chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Mika 6:9

Liji lia Yehova linatambika mu chihunda; mukwa mana mamona jina lie. Panjikenu ku mulumbu ni yoze waatongwele.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Mateu 5:3

Kawaha yiswale mu Spiritu, mumu wanangana wa malilu niwo.

Mateu 5:7

Kawaha akwa kwivwa keke, mumu kumakawana keke.

Luka 10:42

Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Luka 11:42

Alioze lamba lienu A-Fwariseu! nwakutambula chihanda cha kumi cha chimbumba ni aluta, ni yilimalima yeswe, alioze nwakulelesa ululi ni zango lia Zambi: Chanutamba Shinaho kulinga yino ni kulitwamina yikwo, ka.

Luka 12:14

Alioze wambile kuli iye ngwenyi, Lunga, iya wangupwishile ngaji hanji mukwa kwanyina hakachi kenu?

Luka 6:36

Pwenu akwa keke kashika chizechene ngwe Tatenu nawa iye mukwa keke.

A-ROMA 7:16

Alioze kachi nakulinga chize chapalile, kachi nakutá ku shimbi ngwami, Yinapeme,

A-ROMA 9:20

Ka, alioze yena mutu, yena iya, wakukumbulula kulimika ni Zambi? Chuma cha kutengewa muchamba kuli yoze wachitengele ngwenyi, Kuchi te wangutangile chocho?

1 Korintu 7:16

Mumu ngwe kuchi munyingika, yena pwo, hanji makalamwina mukwenu-lunga, nyi Hanji ngwe kuchi munyingika, yena lunga, hanji mukalamwina mukwenu-pwo, nyi?

Efesu 4:32

Pwenu ni utu umwe kuli mukwo, akwa mbunge ja kwivwa keke, nikulikonekcna umwe ni mukwo, chizechene ngwe Zambi nawa hananukonekena muli Kristu.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Shimbi 30:15

Kutala! Hinasa kumeso jenu musono mwono ni yipema; kutwa ni yipi.

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Tiangu (Jake) 2:20

Alioze unazange kunyingika, yena mutu wamokomoko, ngwe Ufulielo kuushi yitanga kuunafu, nyi?

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.