Mika 6:6 - MUKANDA USANDU WA ZAMBI 1975

⁶ Neka mungwiza kumeso ja Yehova nikulihetamina kumeso ja Zambi mwilu? Mungwiza kumeso jenyi ni milambu ya kulumba, hanji ni yimbembe ya ngombe ya mwaka umuwika?

Mukanda Wa Zambi 1970

⁶ Chika mungunehena Mwene Zambi, Zambi ya mwilu, muze mungwiza ni kumuwayila? Ngumutwalile yimbembe a ngombe milambu ya kwocha, nyi?

Mika 6:6 Iomraidhean Croise

2 Samuel 21:3

David yamba kuli A-Ngibeone ngwenyi, Kuchi mungunulingila hanga ngukafuke mulonga uze, ni yenu nukawahise chihinga cha Yehova?

Miaso (Masamu) 116:12

Yika munguhana kuli Yehova ha yiwape yenyi yeswe kuli yami?

Miaso (Masamu) 22:29

Anene eswe a hashi kumalia, kumawayila. Waze eswe akuya ku fufuta kumahetama kumeso jenyi, chipwe waze kahashile kufunga mwono wo.

Miaso (Masamu) 95:2

Tukatukenu kumeso jenyi nikusakwila, tulikwizenu kumeso jenyi ni masamu.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Kutuhuka 12:5

Mwana-panga wenu akapwe keshi chipa, musamba wa kuji, nukamuchize ku mapanga chipwe ku pembe.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:3

Kulinga ululi ni upatwilo wapemena Yehova kuhiana yitapo.

Izaya 40:16

Mitondo yeswe ya Lebano kuyichi kuheta ha kunyi, chipwe yimuna jamo eswe akapwe mulambu wa kulumba.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Ezekiel 46:9

Muze akwa chifuchi meza kumeso ja Yehova ha yiwanyino ya kufunjika, yoze manjilila ku chikolo cha ku Norte kuwayila, makatuhukila ku chikolo cha ku Sule; ni yoze makanjilila ku chikolo cha ku Sule makatuhukila ku chikolo cha ku Norte. Niumwe makahilukila ku chikolo chize anjilila, alioze mweswe makatuhukila ndusu kumeso jenyi.

Daniel 3:26

Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Daniel 4:9

Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Hosea 5:6

Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Amose 5:22

Chipwe munungulambula milambu yenu ya kulumba ni ya wunga chichi kuyitambula. Milambu yenu ya sambukila ni yimuna jenu a maji, chipwe kutala chichi kayitala.

Kwalula 7:51

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Mateu 19:16

Mba umwe wejile kuli iye, ngwenyi, Longeshi mupema, chuma chipema chika mungulinga hanga ngukapwe ni mwono wa mutolo?

Marku 12:33

Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe.

Marku 5:7

mba nikukololoka ni liji linene ngwenyi, Kuchi yami ni yena, Yesu mwe Mwana wa Zambi Chitunda? Lishinge mu jina lia Zambi kuli yami kuchi kungupinjisa.

Luka 10:25

Mba umwe mukwa shimbi wakatukile nikumweseka, ngwenyi, Longeshi, kuchi mungulinga hanga ngukahinge mwono wa mutolo?

Yoano 6:26

Yesu waakumbulwile, ngwenyi, Pundu, pundu ngunambe kuli yenu ngwami, Nunangufupu, hi ha yilayi yize nwamwene ko, alioze mumu nunakalia mbolo, nunakakuta.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Yilinga 16:30

waanehene haze, wambile ngwenyi, Malunga, kuchi changutamba kulinga hanga angulamwine?

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Efesu 3:14

Ha chikuma chino nakuumba makungunwa jami kuli Tato ya Mwene wetu Yesu Kristu,

Hebreu 10:11

Chikwo nawa sasendote mweswe kakumana tangwa ha tangwa nikuvumbika, nikulambwola kanji kanji yitapo yimuwika, yenayo kuyishi kuhasa kuchiza milonga nilimwe tangwa.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.