Mika 6:5 - MUKANDA USANDU WA ZAMBI 1975

⁵ Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Mukanda Wa Zambi 1970

⁵ Atu jami, iwulukenu kama chize mwanangana Balake wa ku Moabe anulingile, ni chize amukumbulwile kuli Balame mwana wa Beore. Iwulukenu yuma yize yabwile ha matangwa waze nwakatukile ku musumba wa Akasia ndoo ni muze nwahetele ku Gilgale. Iwulukenu yuma yize, mba mununyingika ngwenu, kuma nalulikile yize yeswe ha kunulamwina.”

Mika 6:5 Iomraidhean Croise

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Miaso (Masamu) 143:11

Yehova, unguhuzulule kama mumu ha jina lie. Mu ululi we Uchize mbunge yami mu lamba.

Miaso (Masamu) 36:10

Lindulula kama utu wa zango lie kuli waze anakunyingika, ni ululi we kuli waze analulama mu mbunge.

Miaso (Masamu) 71:19

Ululi wa yena Zambi wanangama. Hiunalingi yuma yinene; Zambi, iya walifwa ni yena?

Izaya 1:27

Makakula Zaione ni umwenemwene, ni waze malikonyekenamo makaakula ni ululi.

Kwalula 22:41

Mba ha chimene Mbalake yatwala Mbalau, yamuhetesa ku manangamo a Mbale. Yamonako atu a ku songo.

Kwalula 23:27

Mbalake yamba kuli Mbalau ngwenyi, Tweya haliapwila, mungukutwala kweka; hanji muchipemena Zambi ukangushingilo kuze.

Kwalula 25:1

A-Izalele atwamine ku Shitime, e atu yaputuka kulinga ukoi hamwe ni ana-mapwo a Moape.

Kwalula 25:2

Mumu o yasanyika e atu ku yitapo ya tuzambi two. Atu yaha, yafukama ku tuzambi two.

Kwalula 31:16

Ngwami, Wano, ku mana ja Mbalau yavulumwisa A-Izalele mulonga kuli Yehova ku chikuma cha Peore, chocho chilungo chapwile hakachi ka chikungulwila cha Yehova.

Kwalula 31:8

Yashiha mianangana a A-Mindiane, hamuwika ni afu jo akwo: ni Evi, ni Rekeme, ni Zure, ni Hure, ni Reba, mianangana atano a A-Mindiane. Yashiha nawa ni katana Mbalau, mwana wa Mbeore.

Kwalula 33:49

Yasa chilombo cho ku sesa lia Yordau, katuke ku Mbete-Jeshimote ndo ku Abele-Shitime mu yana ya Moape.

Efesu 2:11

Kashika iwulukenu, ngwe yenu ha miaka ya kunyima nwapwile mavungu mu musunya, waze akwavuluka ngwo, Ulima kuli waze akwavuluka ngwo, Ungalami mu musunya wakulinga ni moko.

Shimbi 16:3

Kanda nulia nacho mbolo ya futunwiso. Nuchilie ni mbolo kuyishi futunwiso matangwa shimbiliali; te ye mbolo ya luyinda, mumu yinukatuka ku chifuchi cha Engitu nikawashi; hanga nwiwuluke lie tangwa nwakatukile ku chifuchi cha Engitu, matangwa eswe a mwono wenu.

Shimbi 23:6

Kanda nufupa apwe ni sambukila, chipwe hanga awahe matangwa jenu eswe a mutolo.

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Shimbi 9:7

Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.

Yoshua 2:1

Ku Shitime Yoshua mwana wa Nune watumine malunga aali ngendeshi ngwe ku tenga ngwenyi, Yénu nukatale chifuchi ni Yeriku. O yaya, yaheta ku zuwo lia umwe chikoi jina lienyi, Rahape. Yapombako.

Yoshua 3:1

Ha chimenemene Yoshua yakatuka ku Shitime hamuwika ni A-Izalele eswe. Yaheta ku Yordau, yapombako shimbu kanda azauka.

Yoshua 4:19

Atu atuhukile mu Yordau ha tangwa liamuchikumi lia kakweji mutangu. Yasa chilombo cho mu Ngilingali ha njiza ya Yeriku ku Chivumbuko.

2 Petulu 2:15

Se hanehuka jila ya kululama, hanapianguka, se hanakaula jila ya Mbalau, mwana Mbeore, yoze wazangile fweto ya uhenge.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.

Akwa Kuyula 11:25

Ena te Wahiana Mbalake mwana Zepore mwanangana wa Moape nyi? Iye te limwe tangwa yalitachika ni A-Izalele nyi? Hanji limwe tangwa washile no jita nyi?

Akwa Kuyula 5:11

Kusuku ni zungo lia ngashi, kuze akutahila meya kwenako akwambujola kukumba cha Yehova, kukumba cha atu jenyi mu Izalele. Mba kwe ku yikolo endele atu a Yehova.

1 Samuel 12:7

Kashika manenu haliapwila nguhanjike ni yenu kumeso ja Yehova ha kutwala ku yitanga yeswe ya ululi ya Yehova, yize anulingilile, ni yenu ni tulamba twenu.