Mika 6:4 - MUKANDA USANDU WA ZAMBI 1975

⁴ Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Mukanda Wa Zambi 1970

⁴ Nanutuhwishile mu chifuchi cha Egiptu; yingunuchiza mu undungo; yingunutumina Mose, ni Arone, ni Miriame hanga anusongwele.

Mika 6:4 Iomraidhean Croise

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

Miaso (Masamu) 77:20

Watwalile atu je ngwe chendo cha yimuna, ku kwoko lia Mose ni Arone.

Kutuhuka 12:51

Mba ha tangwa lize liene Yehova yachiza A-Izalele ku chifuchi cha Engitu nikulita ni yizavu yo.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 3:10

Haliapwila tweya, mungukutuma kuli Falau hanga ukachize atu jami A-Izalele ku Engitu.

Kutuhuka 4:10

Mose yamba kuli Yehova ngwenyi, Mwene, ami chishi kuhasa kuhanjika ni kushilinginya chipwe matangwa a kunyima, chipwe a haliapwila, ka, chipwe katuke ku tangwa lize wahanjikile ni yami kavumbi ke, nguli mutu wa kuhanjika makoke, limi liami lilemu.

Kutuhuka 4:16

Iye mukwa kukuhanjikila kuli atu. Iye kumakapwa kanwa kuli yena. Yena kumukapwa ngwe Zambi kuli iye

Kutuhuka 6:27

O ahanjikile ni Falau mwanangana wa Engitu akachize A-Izalele ku Engitu, wano a Mose ni Arone.

Jeremia 32:21

Wachijile atu je A-Izalele ku chifuchi cha Engitu ni yilayi ni yikomokeso ni kwoko lia tachi, ni kwoko lia kuzoza, ni mwongo wunji.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Kwalula 12:1

Miriame ni Arone ahanjikile nikulimika ni Mose, mumu hali pwo Ka-Kushe amumbachile kuli Mose, se iye hambata pwo Ka-Kushe.

Kwalula 33:1

Mawenyi ja A-Izalele ha kukatuka ku chifuchi cha Engitu, ku yizavu yo, ku kwoko lia Mose ni lia Arone.

Yilinga 7:36

Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 24:18

alioze nwiwuluke ngwami, Nwapwile tupinji mu Engitu, Yehova Zambi yenu yanukulako, kashika ngunanwambe nulinge chuma chino.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Shimbi 9:26

Yingulemba kuli Yehova ngwami, Mwene Yehova, kanda nwonwona atu jenu, chihinga chenu, yenu nwachikulile ni unene wenu, nwachichijile ku Engitu ni kwoko lia ndundo.

1 Samuel 12:6

Samuel yamba kuli atu ngwenyi, Mwe Yehova yoze wanuhele Mose ni Arone, yoze wachijile tulamba twenu nawa ku chifuchi cha Engitu.