Mika 6:16 - MUKANDA USANDU WA ZAMBI 1975

¹⁶ Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Mukanda Wa Zambi 1970

¹⁶ Yino yeswe muyikabwa mumu nwakawile ndako jibi ja mwanangana Omri, ni ja mwanenyi Ahabe. Nwembulwile ndako jo, kashika mungukanumwesa lamba, atu eswe maakanulelesa. Sali ni sali atu maakanusaula.”

Mika 6:16 Iomraidhean Croise

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 Yitanga Ya Mianangana 9:8

Mba zuwo lino kumulipwa mulumba ni waze eswe mapalika makomoka, nikwamba ngwo, Kuchi te Yehova halinga chocho ku chifuchi chino ni ku zuwo lino?

1 MIANANGANA 16:3

Wendele mu ndako ja mianangana ja Izalele, chipwe mwanenyi wa lunga wamupalikishile mu kahia nikulita ni yizelwokeso ya mavungu aze Yehova wakatwishile kumeso ja A-Izalele.

1 MIANANGANA 21:3

Watungile cheka nawa manangamo aze tato Hezekia wapuzwile. Watungile yilumbilo kuli Mbale; walingile umwe Ashera ngwe Ahabe mwanangana wa Izalele. Wawayilile mbunga yeswe ya mwilu nikwalingila.

2 Sango Ja Mianangana 22:4

Walingile chipi kumeso ja Yehova chizechene ngwe munyachi wa Ahabe, mumu ha kufwa tato o apwile akwa kumulongesa, mba yamwonwona.

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Miaso (Masamu) 1:1

Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Miaso (Masamu) 44:13

Hiwatutenga ngwe sau kuli akwetu; hatulenya, hatukekuna kuli waze anatujingilika.

Miaso (Masamu) 44:14

Hiwatupwisa ngwe kashilikilo hakachi ka mavungu, kakutuhungila mitwe hakachi ka atu.

Izaya 25:8

Kumakakumba che kufwa ndo ku miaka ya mutolo mba Mwene Yehova makusumuna masoji ku meso eswe. Ni sau lize liatwama hali atu jenyi makalichiza hashi heswe, mumu Yehova hanachambe.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 19:8

Mungupwisa chihunda chino chuma cha mwongo, chuma cha kuyunga. Mweswe mapalikako mevwa lwaji, mayunga mumu ha kuji-ni-tomo liako lieswe.

Jeremia 25:18

Ngwami, Yerusaleme ni yihunda ya mu Yunda, ni mianangana ni alemu jayo, akayenyeke ni kuyipwisa ya hululu, ni kuyunga, ni shingo ngwe tangwa lino.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 51:51

Hanatukolesa sonyi mumu hitwevwa chize hatuchoka; kusauka hichatufuka meso jetu mumu tundaka hanjila mu yipatulo yisandu ya zuwo lia Yehova.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Lungungu 5:1

Yehova, iwuluka chize hichatuwana; tala uchimone kusauka chetu.

Ezekiel 39:26

Kumakavulama sonyi jo, ni mafwefwe aze eswe angulingile, muze makatwama kawape mu chifuchi cho ni yoze maavwisa woma wakuhi;

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Hosea 12:14

Alioze Eframe hehia chikolo kashika Mwene wenyi mamuhichika ni mulonga wenyi wa manyinga hali iye. Mahilwisa hali iye nawa sau lienyi.

Hosea 5:11

Eframe kanamupinjisa, kanamufwenye mu upatwilo mumu wasele mbunge yenyi kukaula yuma yamokomoko.

Mika 2:6

Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Mika 6:13

Kashika hinaputuka kunulamba ni kunupwisa a hululu ha mukunda wa mitonga yenu.

Usolwelo 2:20

Alioze chino ngukuli nacho ngwami, Wakutayiza yoze pwo Jezebele kulongesa, yoze wakulivuluka profeta-wa-pwo; kakulongesa, kakupiangula ndungo jami mukulinga utanji, mukulia yuma yize hanayitambula yitapo ku mahamba.