Mika 6:14 - MUKANDA USANDU WA ZAMBI 1975

¹⁴ Kulia munulia alioze kunuchi kukuta; zala muyikatwama muchima lienu. Munutulika yuma ahoze kunuchi kapita. Ni yize munupita, yami munguyikunjika ku katana.

Mukanda Wa Zambi 1970

¹⁴ Chibwe nulie, hindu kunuchi kukuta, munubwa lume akwa kufwa zala. Munukambata yuma yinji, alioze kunuchikahasa kuyifunga. Yuma yeswe yize nwakufunga, yami mungukayonona mu jita.

Mika 6:14 Iomraidhean Croise

Izaya 30:6

Liji lia kutwala kuli ngongo ja ku Negeve. Ndusu mu chifuchi cha lamba ni kupinda, kuze kwakatuka ndumba a chihwo ni kuji, ni yenge ni toto, kakumbata upite wo ha manyima ja yimbulu, ni yikumba yo ya ndando ha kunda ja tumelu, kuli atu aze kechi kuhasa kwakwasa.

Izaya 65:13

Kashika Mwene Yehova kanambe ngwenyi, Tuvumbi twami makalia, alioze yenu munupwa ni zala. Tuvumbi twami makanwa, alioze yenu munupwa ni pwila. Tuvumbi twami makawahilila, alioze yepu munwivwa sonyi.

Izaya 9:20

Kakuchanga ku chindume, hindu achili ni zala; kakuwumbula ku chimeso, alioze kakuchile; mutu mweswe kakulia musunya wa mwenyembo wenyi.

Jeremia 48:44

Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Hosea 4:10

Malia alioze kechi kukuta; malinga ukoi, alioze kechi kuliokesa, mumu hanehuka Yehova akalalaminye ku ukoi.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Hagai 2:16

ha kuheta umwe ku mulumba wa makumi aali a njongo ja mbuto, yawana kumi wika; muze umwe maya ku chikwachilo cha vinyu akachize makumi atano a misenge, mawana makumi aali wika.